بالفيديو.. مي حلمي تخرج عن صمتها وتكشف تفاصيل جديدة في واقعة إلغاء زفافها على محمد رشاد
أزمة القائمة التى تسبب في إلغاء حفل زفاف المطرب الشاب محمد رشاد، والإعلامية مي حلمي تسيطر على أخبار الوسط الفني، والنميمة على مواقع التواصل الاجتماعي، في ظل حرض كلا الطرفين على التعليق مرة بفيديو وأخري فمقطع صوتي وثالثة ببوست على مواقع التواصل الاجتماعي
أحدث التعليقات ما نشرته مي حلمي عبر حسابها على موقع "انستجرام""، حيث نشرت مقطع فيديو صغير لها بفستان الزفاف، وكتب عليه: "مش عايزه اتكلم في اي حاجه غير عن وجع كسره الفرحه ،، ولا اعلام ولا ميديا ولا دنيا ولا مين شمتان ولا مين فرحان مش فارقلي ... كلنا بندور علي الفرقعه علي السبق الي يضرب بس لو هتكلم عن نفسي عمري ما هعمل كده وقت غياب فرحه حد ومش اي فرحه دي فرحه العمر زي ما بيقولو ..... ازاي ؟ ازاي قدرتو تعملو كده لكل الناس واولهم القريبين، ازاي قدرتو تقولو كلام غلط وحكايات ماحصلتش ازاي سبتو فرحتنا علي جمب طيب هقولكم".
وأضافت: عارفين يعني ايه بعد ما البس فستاني اقلعو ؟ بعد ما خلاص خطوه واحده من ٤ سنين مستنياه تبوظ بسبب الناس الي نقلت كلام غلط مش هقول الميديا الميديا طول عمرها كده وقبل ماشتغلها وانا عارفه انها كده نتكلم عن الناس الطبيعيه ..... ازاي قدرتو تشمتو وتفرحو في وجع غيركم والي يدعي والي يضحك والي يقول احسن فهموني انتو بني ادمين ؟ بتخافو ربنا ؟ ".
واستطردت: "طيب حتي لو نفرض وده فرضا ان حد من الطرفين غلطان ليه الدعا عليه والحسبنه ليه اصله مش زرار هتقوم من النوم تدوس عليه فهتنسي العشره والسنين وتقعد تدعي وتهين لا لا ابدا مهما حصل بتلاقي نفسك مش طايق كلمه وحشه علي الطرف التاني ونفس الكلام للطرف الاخر .".
وأكلمت قائلة: "بعد الهيصه والزيطه مابيفضلش غير الحلو وبيبان الوحش بس كل الي عايزه اقولو الشدد بتبين ... في الاخر حبيت اخرج كلام جوايا من الي شوفته اليومين الي فاتو و والله والله مافرق معايا غير فرحتنا انا وهو مش انا بس الي اتكسرت فستاني الي قلعته بدلته الي اتقلعت ومحدش فاهم حاجه اهالينا الي زعلانين علينا ....ماكنتش ناويه اتكلم بس كلام جوايا وكنت عاوزه اقولو محدش بيرضي في عشره عمره لو عامل فيه ايه مابيرضالوش الوحش ولا دعوه واحده بالغلط عشان ماحدش كان عارف ايه الي حصل معظم الناس انا كنت هناك انا كنت حاضر انا كنت شاهد ... كنت دعيت ربنا يهدي الدنيا ويجمعهم في الحلال بدل ما كنت حكيت الي سمعته مش الي شوفته احساس صعب فرحه عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا".
وأكدت : "فرحه فستان بتاعت الراديو راجعه راجعه ان شاء الله هنحكي كل حاجه وهنقول كل حاجه بس في الوقت الي احنا عايزينه مش الي الناس عاوزاه.... نصيحه من قلبي لكل اتنين متجوزين عايزين يسيبو بعض لكل اتنين مخطوبين لكل اتنين بيحبو بعض "الحب مابيتبعش" ولو ضيعتوه والله مابيجي تاني امسكو فيه مهما حصل.. اكيد هنطلع ونتكلم بس ادونا شويه فرصتنا مع بعض بعيد عن الاضواء .. وعاوزه دعوه حلوه لينا ارجوكم".
وكانت حالة من الجدل شهدها الوسط الفني ومواقع التواصل بسبب إلغاء حفل زفاف المطرب محمد رشاد على الإعلامية مى حلمى، الذى كان من المقرر إقامته فى أحد الفنادق بمنطقة الهرم، رغم التجهيزات الكبيرة لحفل الزفاف.
إلغاء الحفل أثار كثيرا من الجدل، وخرجت عدة تكهنات عن أسباب الإلغاء، وكشفت مصادر أن الأسباب الحقيقة وراء إلغاء حفل زفاف محمد رشاد ومى حلمى، قبل انطلاقه بساعات قليلة، يعود إلى خلافات عائلية حول أدق تفاصيل الزفاف مثل قائمة المنقولات ومؤخر الصداق.
