أسامة كمال : المصريين خرجوا في ٣٠ يونيو ليحرروا ارضهم وعقولهم وقلوبهم من احتلال الاخوان

قال الإعلامى أسامة كمال، إن اليوم يوافق ال 28 من يونيو، مضيفا أنه في مثل هذا اليوم من 6 سنوات كنت اقدم برنامج القاهرة 360 وضيوفي قالولي علي الهوا، أن 30 يونيو جاء مبكرا، وأن المصريين موجودين بالشوارع وماقدرتش تستنى ولا تصبر على نفسها يومين ونزلوا الميادين بدرى عشان يقولوا يسقط يسقط حكم المرشد".
وأضاف كمال في برنامجه مساء DMC اليوم الجمعة" ، أن ٢٨ هو يوم تم فيه حظر جماعة الإخوان بقرار شعبى قبل ما يكون بحكم محكمة، موضحا أن هذا اليوم اتصنفت فيه جماعة الإخوان جماعة إرهابية عند المصريين قبل ما دول كتير تفكر تصنفها جماعة إرهابية".
وتابع كمال"هذا اليوم اتجمعت فيه قلوب المصريين واتحبست فيه الأنفاس، ودة اليوم اللى كلنا حسينا فيه بمعنى كل كلمة نموت نموت وتحيا مصر، وحسينا فيه بمعنى كلمة مصر وبقيمة كلمة تحرير التراب الوطنى، والمصريين فى سنة واحدة من حكم الإخوان حسوا أنهم محتلين".
واردف " جموع المصريين خرجوا ليحرروا ارضهم وعقولهم وقلوبهم من احتلال اخوانى كان موجود زى التراب اللى تحت سجادة صالة البيت، وتراب موجود ومحدش شايفه، لكن شامين ريحته خانقة الجو".