فاروق جعفر: «عمري ما رشحت نفسي لتدريب الزمالك.. واللي يقول كده كداب» (فيديو)

نفى فاروق جعفر، نجم الزمالك السابق، ترشيح نفسه في وقت سابق لتولي مسؤولية تدريب فريق نادي الزمالك، خلال فترة وجود في اللجنة الفنية للزمالك.

وقال خلال مداخلة هاتفية مع الإعلامي هاني حتحوت، في برنامج «الماتش» على قناة صدى البلد: «عمري ما رشحت نفسي إني أكون مدير فني، واللي بيقول كدة كداب، اللجنة الفنية كانت بتقول حاجة والادارة بتقول حاجة تانية وتنفذ اللي هي عيزاه»، متابعا: «الصح إنك لو غلطت في قراراتك تطلع تقول أنا غلطت مش ترميها على ناس تانية».

وأردف جعفر قائلا: «آخر مرة اشتغلت في الزمالك كان رئيس النادي الحالي هو الموجود وقتها في 2007 تقريبًا، مأخدتش مليم واحد ولما طلبت الرحيل قالي أنت مرتبك 150 جنيه في الشهر».

وتابع نجم الزمالك السابق: «أنا مش بخاف من حد وبقول الحقيقة بس كلامي مش بيعجب حد، اللجنة الفنية موجودة وحازم إمام وأيمن يونس يشهدوا، محدش فينا طلب إنه يشتغل في النادي».