أهله خرجوني من البيت بلبوص وشوه وجهي بالمطواة.. مأساة سيدة طلقها زوجها بسبب أطفالها | فيديو

رصد برنامج "تفاصيل"، المُذاع عبر فضائية "صدى البلد 2"، تقديم الإعلامية "نهال طايل"، تفاصيل استغاثة سيدة من محافظة الدقهلية شوَّه زوجها وجهها بالمطواة؛ لطلبها الإنفاق على أطفاله.

وروت محاولة ذبحها على يد زوجها، قائله: "كنت راجعة من الشغل بالليل، وحاول يقتلني.. أخوه كان بيراقب له المكان وهو قاعد يشرَّح فيا بالمطواة، وكان كل اللي على لسانه، والله لأدبحك، أنا حالف هدبحك".
واستطردت: "يوم ما كان بيحاول يدبحني اخته وأخوه كانوا واقفين بيتفرجوا عليا وأنا بتدبح.. ولولا جارتي كان زمانه دبحني"، متابعة: "شرَّح دماغي ووشي وكان هيدبحني، ودكتور الجراحة خيطلي 65 غرزة من جوه و65 غرزة من بره"، مؤكدة: "عمل فيا كدا؛ علشان رفعت دعوى نفقة لعيالي".

وأوضحت: "بجيب علاج لوجهي بـ 2000 جنيه في الأسبوع.. ومش بنام غير بالمسكنات، ليل نهار عايشة على المسكنات"، لافته: "أهله هددونا وكل يوم تهديد.. وأنا عايزاه ياخد أقصى عقوبة هو وأخوه، مش عايزاه يطلع من السجن".
وروت "هبة"،: تفاصيل طلاقها، قائله: "زوجي طلقني بسبب أن ولادي اتولودا بغدة درقية، وكهرباء زيادة وفرط شديد في الحركة"، متابعة: "كنت بروح الشغل وأرجع أشوف أولادي وأشوف علاجهم وبقالي 6 سنين على هذا الحال".

وأشارت: "طليقي مدفعش ولا جنيه في علاج أولادي، وأهلي هما اللي كانوا بيصرفوا عليا وعلى ولادي، ومكنش بيجي معايا للدكاترة"، مردفة: "إن أبنائها واحد في أولى ابتدائي والتاني في تانية ابتدائي".

وأوضحت: "قولت هربي عيالي وأعالجهم لوحدي أصرف على 2 بدل ما أصرف على 3.. لأن أولادي كانوا مولودين ذوي احتياجات خاصة"، لافته: "زوجي كان بيتشغل باليومية واللي كان بيقبضه كان بيجيب بيه حشيش أو سكينه يتخانق بيها مع أصحابه".

وأشارت: "زوجي طلقني بسبب أن ابني ماشي على علاج كهرباء وغدة درقية وفرط شديد في الحركة"، مؤكده: "كنت بجيب علاج أولادي شُكك وخارجة من عندهم من البيت وأنا مديونة بـ25 ألف جنيه".