النادي بيموت.. أمين صندوق الزمالك يصدم الجماهير بتصريحات مفاجئة

صدم حسام المندوه، أمين صندوق نادي الزمالك، بتصريحات مفاجئة، في ظل الأزمة التي يعاني منها النادي.

يأتي هذا في ظل أزمة سحب أرض 6 أكتوبر من نادي الزمالك، والمعاناة التي يعاني منها من الناحية المالية.

وقال المندوه في تصريحات عبر قناة «إم بي سي مصر 1»: «في انهيار في النادي، كنا ماسكين الزمالك مريض ودلوقتي المريض بيموت».

وأضاف: «اللي بيحصل شيء مش طبيعي، الأمل عندنا كان إننا نستثمر في أصول الزمالك والأهم فيها أرض 6 أكتوبر».

وأكمل: «احنا بنتعاقب على حاجة ملناش ذنب فيها. الوضع مش صعب الوضع كارثي».

وزاد: «ممكن الزمالك يعلن إفلاسه؟ لا نتمنى أن نصل لهذه المرحلة، الأمل اللي كان عندنا بيتاخد مننا دلوقتي».

وأردف: «نادي الزمالك أكتوبر لازم يرجع وعدم رجوعه خطر شديد على النادي ومستقبله».

وأجاب: «ممكن المجلس يستقيل؟ لو لقينا مش عارفين نعمل حاجة هنستقيل طبعًا، لكن مازلنا نحاول وجمهورنا بيدعمنا».