كلنا بنغلط ونندم.. لقاء الخميسى تحسم الجدل بشأن انفصالها عن محمد عبدالمنصف | فيديو
حسمت الفنانة لقاء الخميسى، الجدل حول انفصالها عن عبدالمنصف، بعد أنباء زواجه من سيدة غيرها ثم انفصاله عنها، التى انتشرت على السوشيال ميديا الفترة الأخيرة، والتزمت لقاء الصمت.
ونشرت لقاء عبر حسابها الرسمى بـ«انستجرام» فيديو يجمعها بزوجها عبدالمنصف، وأطفالهما، فى إشارة أنها لم تنفصل عنه كما أُشيع، ووجهت رسالة لكل سيدة تتابعها حتى تحافظ على منزلها وعائلتها.
وكتبت لقاء معلقةً على الفيديو: «الدنيا يتختيرنا دايمًا وأبدًا، أيام بتسعدنا وأيام يتبعدنا وتزعلنا وتجرحنا.. وبنتوه مع نفسنا.. الحكمة بتظهر من قلب الحزن.. وبنقعد نفكر إيه الصح وإيه الغلط وهل اللى عدينا بيه شر ولا خير».
وتابعت: "ومع الوقت، ولما النفس تهدى والعقل يفكر والقلب يدق، بنكتشف إن كلنا ينغلط وبنتوه شوية فى وسط الزحمة، فى ناس بتغلط وتكمل فى الغلط! وفى ناس بتغلط ويترجع لحكمتها ويتندم وتصحح الخطأ.. خطائين وخير الخطائين التوابين».
واستكملت: «مافيش حد مابيغلطش، بس القوى الحقيقى بيعترف بالغلط وبيرجع لصوابه. ربنا فتحلنا باب المغفرة والسماح.. شكرًا من قلبى لكل انسان دعمنى ووقف جنبى وطبطب عليا وشكرًا لكل أصدقائى المقربين اللى وفقو جنبى وكل من دعمنى من أصدقاء السوشيال ميديا اللى نوروا حياتى بالمحبة وطبطب على قلبى ودعالى دعوة حلوة».
وأردفت: «آخر حاجة هاقولها، أسهل حاجة فى الدنيا هدم البيوت العمرانة وأقوى حاجة فى الدنيا إننا نحافظ على حياتنا ونحارب على بيوتنا واولادنا يالحب والسلام.. كلنا بنغلط، وبنندم ونرجع لصوابنا.. ونرجع ببداية جديدة مليانة شغف وحب وسلام وراحة بالحب».
واختتمت لقاء موجهةً رسالة لكل السيدات: «لكل ست وربة منزل حافظى على بيتك وعائلتك بكل قواكىى وأوعى تدى الفرصة لأى إنسان إنه يهدم بيت العيلة. بحبكم من كل قلبى أصدقائى وعيلتى الكبيرة».