أسامة كمال لكامل أبو علي: اشمعنى سيرجوا راموس

وجه الإعلامي أسامة كمال، سؤالا لكامل أبو على رئيس لجنة الأنشطة السياحية في اللجنة المنظمة لبطولة أمم أفريقيا 2019، بشأن استضافة اللاعب الدولي سيرجو راموس ، نجم دفاع ريال مدريد في مصر.

وقال كمال،، في برنامجه «مساء dmc»، المذاع عبر شاشة «dmc»، مساء اليوم الخميس، إنه :"خطوة تانية بصراحة باتحفظ عليها ومكنتش عايز اتكلم عنها، وهى دعوة الاستاذ المحترم كامل أبو على لكابتن ريال مدريد سيرجيو راموس، وراموس واحد من لاعبين العالم الكبار مفيش شك، لكن اشمعنى راموس، واشمعنى فى التوقيت ده".
وأضاف مقدم برنامج «مساء dmc»، :"الاستاذ كامل عارف أن المصريين عندهم مشاعر سلبية من راموس لأنه تعمد إصابة لاعبنا الدولى محمد صلاح فى نهائى أبطال أوربا فى 2018، الإصابة اللي أثرت على صلاح وعلى فرص مصر وقتها فى كأس العالم 2018، مش فاهم ليه اختار كامل أبو على رئيس لجنة الأنشطة السياحية في اللجنة المنظمة لبطولة أمم أفريقيا 2019، راموس بالذات".
وتابع :"تانى راموس جاى بطيارة خاصة على حسابنا مش جاى كسائح، ومش دافع دولار واحد، ويمكن واخد دولارات كتير؟ ليه نختار راموس بالذات فى وقت كاس أمم أفريقيا؟، مش بس عشان ما ينفعش نحتفى بلاعب ضرّ لاعب مصرى كبير مثل محمد صلاح، وضر معاه مشاعر مصريين كتير.. اشمعنى راموس يا كامل بيه؟".