أسامة كمال : مصروفي 5 قروش بركب الترام ب٤قروش وبجيب باكو بسكوت سادة مش بالشوكولاتة بقرش

قال الإعلامى أسامة كمال، إنه " من فئة المصريين اللي عشت كل عمرى جوة مصر مش براها، يعنى عشت البلد دى يوم بيوم وكل حاجة حصلت فى البلد كنت عايشها في تفاصيل الحياة اليومية ومش بتكلم عن تفاصيل السياسة اللى لحد النهارده لسه بنحاول نعرف منها اللى نقدر عليه، لكن تفاصيل الحياة العادية" .
وأضاف كمال في برنامجه مساء DMC اليوم الجمعة ، أن":كان زمان اللي مابيشتغلش معيوب مش معذور، كان برضه الشغل قليل والجنيه اللي كان بيجيب حاجات كتير صعب هو نفسه يتجاب، كان مثلا مصروفي وانا طفل 5 قروش، بركب الترام بـ 4 قروش ويتفضل قرش بالكتير يجيب باكو بسكوت سادة مش بالشوكالاتة" ٠
وتابع كمال "الجيل الحالى يري أن جيلي عاش الرخص، وجيلي شاف الجيل اللي قبله بنفس الشكل وكنا بنتعجب لما نسمعهم يقولوا الجنيه المصري كان أغلى من الجنيه الدهب، فشفت الدولار بستين قرش، اتعاملت في عملة اسمها نص قرش واهلي اتعاملوا في عملة اسمها المليم".
واردف" صدمة مع كل تحريك أسعار ، موضحًا ان هناك صدمة سببها إننا عشنا الدنيا غير كده خالص. كنا استهلاكيين لكن مش كدة، وما كانتش قهاوينا مليانة أوي كدة ولا كتيرة أوي كدة".
وأكمل" :أحنا الجيل اللى كان لازم يطفى النور وهو خارج من أوضته ولو نسى يطفى النور"