أنا والجيش نروح قبل ما يحصل حاجة لمصر.. رسالة نارية من السيسي لاثيوبيا بسبب سد النهضة

الرئيس عبدالفتاح
الرئيس عبدالفتاح السيسي

قال الرئيس عبد الفتاح السيسي: "فيه كلام في سد النهضة مش هقدر أقوله هو خاص بالإعداد اللى إحنا بنعده جوا بلدنا، وإحنا بنعمل مشاريع علشان نوفر كل نقطة مياه علشان نحافظ علي المياه ومشروع تبطين الترع مرصود له 60 مليار جنيه وهدفه توفير المياه، ومحطات معالجة المياه الهدف منه الاستفادة القصوى مما لدينا من مياه.

 واضاف الرئيس: إحنا أخدنا بالأسباب في كل شيء، وبنقول للآخرين أنتوا تعيشوا وإحنا هنعيش ومصر دولة كبيرة، وهقول لا يليق بنا أن نقلق أبدا في قضية سد النهضة، ولما بلاقي المبالغة في القلق بقول لأ إحنا مش كده لا إعلاميا ولا مفكرين ومثقفين.. والله والله والله مستقبل البلاد والشعوب بالعمل والعمل واحنا منجحناش في كل اللى فات إلا لما كنا معا، ولا يمكن ننجح في اي شيء أو تحدي إلا لما نكون عي قلب رجل واحد".


وأضاف خلال كلمته في حفل مبادرة "حياة كريمة" بإستاد القاهرة:"لكل الاشقاء في اثيوبيا والسودان تعالوا نعمل اتفاق ملزم يحقق الخير لنا ولكم ونعيش في خير وأمان وسلام، من أجل الاستقرار والتنمية بعيدا عن أي شكل من اشكال التهديد، ولا يليق بنا ان يكون قلقنا مبالغ".

وتابع:"إحنا عايزين اتفاق ملزم يحافظ علي حصتنا المائية في نهر النيل ويحقق لكن التنمية، وميبقاش فيه ضرر لحد".

وقال الرئيس عبد الفتاح السيسي، إن مصر قادرة بقوتها العسكرية والاقتصادية على حماية مقدراتها.

وتابع خلال كلمته حفل مبادرة "حياة كريمة" بإستاد القاهرة، عن قلق المصريين على أزمة سد النهضة وحصة مياه النيل:" قبل ما يحصل أي حاجة تحصل لمصر يبقى لازم نروح أنا والجيش الأول علشان خاطر مصر، وإن شاء الله الأمور كويسة وخططنا تسير بشكل عظيم.


وتابع الرئيس: "بقول للمصريين عيشوا حياتكم وبلاش هري، أنا بطمنكم وكل الأمور ماشية بخير وسلام وأمان، وأنا والله العظيم كنت دائما صادق وأمين ومخلص وشريف معكم وما زلت على العهد، ومتصدقوش كل الكلام اللى بيتقال، وبتوجه لله بالشكر وبقوله يارب ساعدني كما ساعدتنا ولك الشكر والحمد يارب".