اتاخدت في الرجلين.. نيفين مندور تكشف تفاصيل القبض عليها وحقيقة زواجها من محمد سعد | فيديو

كشفت الفنانة نيفين مندور، تفاصيل القبض عليها بتهمة تعاطي المخدرات، قائلة: «باختصار شديد الموضوع ده بالنسبة لي بيضايقني.. هو الموضوع كان خاص بوالدي مش بيا خالص.. بس هما حبوا يكسروه بيا، ورحت في الرجلين، وهو بقى بين نارين بين بنته وسمعته، لأن الموضوع مبقاش سمعته بس، لا بقيت سمعة بنته كمان».

وأضافت مندور، خلال لقائها ببرنامج «كلام الناس»، الذي يذاع على شاشة MBC مصر: «بس ربنا كبير والحمد لله براءة من أول دقيقة، مفيش حد قدر يشكك فيها يعني، وفكرت كتير إني أرد ولكن ردود فعل الناس هي اللي خلتني مردش».

وتابعت: «ومكنتش مضطرة أقول إني بريئة، فأصلح لمين.. للناس المريضة.. دول مش فارقين معايا، غير إن نفسيًا الموضوع كان مخليني مش قادرة أعمل حاجة، ده غير إن الموضوع جه في وقت وفاة والدتي، فكانت الظروف صعبة».

وتحدثت الفنانة نيفين مندور شائعة زواجها من الفنان محمد سعد، قائلة: «سمعتها من ناس كتير بتشوفني في الشارع وبيقولولي هو أنتِ بجد مرات محمد سعد؟ أقولهم لا ومخوفتش من كده عشان طلما دخلتي الوسط فهتبقي معرضة للإشاعات فخلاص شر لابد منه».

وتحدثت مندور خلال ببرنامج «كلام الناس» والمذاع عبر قناة «إم بي سي مصر»، عن كواليس عملها مع الفنان محمد سعد بفيلم اللي بالي بالك عام 2003، واشتهرت باسم فيحاء وهو اسم شخصيتها خلال أحداث الفيلم.

ويعد ذلك هو الظهور الأول لنيفين بعد ابتعادها عن الساحة الفنية.