وثقت في الشخص الغلط.. هيدي كرم تكشف سر الردود غير اللائقة على متابعيها | شاهد
مقطع فيديو لا تتجاوز مدته الربع ساعة، ظهرت خلاله الفنانة هيدي كرم، عبر حسابها على موقع تبادل الصور والفيديوهات «إنستجرام»، تروي قصة تعرضها للنصب من أحد الأشخاص وقيامه بالتحدث باسمها، فضلا عن كتابة تعليقات مسيئة وتدوين منشورات على لسانها، لتطلب المساعدة من متابعيها للتخلص من تلك المشكلة التي تؤرق حياتها منذ فترة.
وقالت الفنانة هيدي كرم، خلال البث المباشر، الذي ظهرت به: «الحقيقة في موضوع مضايقني بقالي فترة وعايزة أتكلم وأقولكوا عليه، علشان تساعدوني وكنت مستنية فترة الأعياد تخلص ورمضان، علشان نتصرف كلنا مع بعض في المشكلة اللي عندي دي، هي مشكلة أنا السبب فيها وغلطتي من الأول، بس دلوقتي الموضوع خرج عن أيدي وعن حده، سببلي مشاكل كتيرة أوي، الموضوع أن أنا وثقت في شخص مكنش المفروض أثق فيه، وخليته أدمن لصفحة كان عاملهالي على (فيسبوك)، الصفحة كبرت جدا وهو بشكل ما قدر يتواصل معايا، وأقنعني أننا نوثقها وتبقى صفحتي الرسمية».
«لقيته ولد كويس وغلبان»، بتلك العبارة واصلت الفنانة هيدي كرم، سرد مشكلتها وتفاصيلها: «قعد يقولي الصفحة بتكبر ونشيطة، وخسارة وبقت لطيفة جدا وفيها تفاعل حلو، نعملها صفحة رسمية وأمسكهالك، وهخليكي أدمن معايا وتتابعيها، قولتله ماشي نجرب، بعترف أني ساذجة وشوية شوية بدأت أثق فيه، للأسف وثقت في شخص مش محل ثقة، والصفحة عليها ملايين».
تعليقات مسيئة وسوء إدارة
أشارت الفنانة هيدي كرم، خلال البث المباشر، إلى عدم رضاها عت سلوك الشخص وطريقة إدارته للصفحة: «معجبنيش طريقته ولا الكومنتات ولا أسلوبه ولا إدارته ولا تعليقاته، اختلفنا أكتر من مرة وقولتله مش عايزة الصفحة دي، وعايزة أقفلها».
بعد اختلاف بين الفنانة هيدي كرم والشخص المدير لصفحتها الرسمية على «فيسبوك»، اتفق معها على بيع الصفحة: «قالي هبيع الصفحة خسارة عليها عدد كبير، وهغير اسمها، اتشغلت في شغلي واتفاجأت أنه عملي بلوك وخرجني من الصفحة أنا وكل الناس اللي يعرفوني من بينهم أختي، وبدأت الناس تبعتلي تعليقات غريبة، ويقولولي إزاي كاتبة كده وإزاي بتعلقي عند الشخص ده كده، إزاي حاطة البوست ده، الناس قالت هيدي أتجننت وحصل حاجة في دماغها، حاولت أتصرف معرفتش».
