هل كانت تشعر بنهايتها؟.. تفاصيل مؤلمة في الساعات الأخيرة بحياة طالبة المنصورة | فيديو
كشفت إحدى شقيقات نيرة أشرف طالبة المنصورة، تفاصيل حياة أختها قبل أن يتم قتلها على يد زميل لها أمام أسوار جامعة المنصورة، مؤكدة أن نيرة أشرف كانت تعيش وتقضي معها الصيف والشتاء في القاهرة، حيث تستقر الأخت المتزوجة، وتعود إلى المنصورة قبل الامتحانات فقط.
وأضافت شقيقة طالبة المنصورة، خلال لقائها مع الإعلامية نهال طايل ببرنامج «تفاصيل» المذاع عبر قناة «صدى البلد 2»: «القاتل قال لها لو إنتي مش ليا أنا هقتلك، ومن كتر ما بيهدد وبشتم وبيعمل كبرت دماغها من ناحيته، واخواته قالوا احنا مش قادرين عليه اتصرفوا انتوا معاه».
وتابعت شقيقة نيرة أشرف: «كانت قاعدة عندي بتشتغل وعلشان تبعد عنه، وقالت عليه ده عيل أهبل ده مش هيعمل حاجة، وكان بيدخل يشتم على صفحاتي أنا وأختي هدير، وبلغوني أصحابي اتصلوا بيا قالولي فيه بنت اسمها نيرة أشرف اتقتلت قدّام جامعة المنصورة، ونيرة أجرأ واحدة فينا».
واستطردت شقيقة طالبة المنصورة: «لا مجنون ولا مختل ولا مش عارف بيعمل إيه؛ ومخطط للجريمة كويس جدًا واداها خبطة علشان يعرف يدبحها كويس، وقالها لو إنتي مش ليا هقتلك، وكبرت دماغها من ناحيته من كتر ما كان بيهددها، وربنا يقهر أهله واحد واحد».
واختتمت شقيقة نيرة أشرف طالبة المنصورة حديثها قائلة: «ده ميرضيش حد ولا يرضي بني آدم؛ ده الحيوانات متعملش كدة، وكانت متمرمطة في الشغل علشان تبقى مضيفة طيران، وزي ما موتها يموت؛ ده عدل ربنا من قتل يقتل».
وفي مشهد مؤلم ومؤثر، وحديث روته بالدموع والدة طالبة المنصورة نيرة أشرف، كشفت الأم المكلومة تفاصيل الساعات الأخيرة في حياتها قبل أن تنتهي على يد زميلها أمام أسوار الجامعة المنصورة؛ بعدما رفضت الزواج منه عدة مرات.
وقالت والدة طالبة المنصورة، في حلقة خاصة مع الإعلامية نهال طايل ببرنامج «تفاصيل» المذاع عبر قناة «صدى البلد 2»، إن ابنتها نيرة أشرف أخبرتها، ليلة الامتحان حيث قُتلت صباح اليوم التالي، بأنها تشعر بكوابيس وخائفة، مستطردة: «قالتلي أنا حاسة بكوابيس يا ماما ودخلت نمت معاها، حرقتي قلبي عليكي؛ أنا عايزة حق بنتي، حرمني من بنتي ومبتعملش حاجة وحشة في حد».
وأضافت والدة نيرة أشرف طالبة المنصورة: «كانت فتاة طيبة وكنت بقلها إنتي جميلة يا نيرة؛ أنا خايفة عليكي من الحسد؛ متنزليش صور هتتحسدي يا قلب أمك، تقولي لا يا ماما كل الناس بتحط صور»، مؤكدة أنهم حرروا ضده 4 محاضر، مطالبة بإعدام هذا الشخص.
وتابعت: «آخر 3 أيام هددها ومقالتليش؛ والله لو كانت قالتلي مكنتش وديتها الجامعة، وليلة الامتحان قالتلي يا ماما أنا بيجيلي كوابيس وخايفة تعالي نامي جمبي، وعاملينله 4 محاضر، وقبل كدة شهّر بيها على الفيسبوك».
