كتفني وحلقلي شعري.. شيرين عبدالوهاب تكشف مفاجآت صادمة لأول مرة عن أزمتها مع حسام حبيب | فيديو

كتفني وحلقلي شعري..
كتفني وحلقلي شعري.. شيرين عبدالوهاب تكشف مفاجآت صادمة لأول م

هاجمت الفنانة شيرين عبدالوهاب، المطرب حسام حبيب قائلة: "في كل شغل ناجح ليا كان بينكد عليا ولو روحت عملت إعلان ناجح في نفس اليوم يتنكد عليا وإني أكون تريند في البلد وفي البيت متنكد عليا"، لتقاطعها الإعلامية لميس الحديدي، قائلة: "بس أنتوا كنتوا المفروض مطلقين في الوقت دا يا شيرين".

وقالت "شيرين" في مداخلة هاتفية لبرنامج "كلمة أخيرة" على فضائية "أون إي" اليوم الثلاثاء، قائلة: "إحنا طلقنا لما قصيت شعري اطلقنا طلاق بائن وبعد ما هديت من الكارثة اللي حصلت، حسيت إني مش قادرة استغنى عليه وبحبه وليه مدلهوش فرصة تانية ولية كل اتنين بيسيبوا بعض بيبقى في فجر في الخصومة ليه ميبقاش في رحمة وندي بعض فرصة تانية"، موضحة: "الجواز علاقة مقدسة جدًا ولازم نشتغل عليها وكنت بحبه وفاكراه أبني مش جوزي بس واهتميت بيه وعملت استديو عشان شغلي أنا وهو يتعمل فيه واشتريت له كل الأغاني اللي عجبته بشيكات باسمي عشان أضمن له أن الأغاني متروحش منه".

وتابعت: "لقيته بيتهمني اني تخنت وبقيت شبه أمي وأنه عايز واحدة يتباهي بيها قدام الناس، تبقى حلوة ورفيعة، غير الخناقات اللي كان فيها ضرب وسحل على الأرض وشتيمة عمر ما إنسانة تقبلها على نفسها"، موضحة: "لما اتنيلت اطلقت رجعته وقلت أديله فرصة تاني بشروط إن هيبقى في بيت غير بيتي وإن بناتي مش هيتعرضوا لأي مشاكل نفسية وأن حياتنا تبقى لوحدنا ويرجع يشتغل".

وأردفت: "بيتي كبير وحسام من قبل ما نتجوز وكان بيجي يزورنا كتير في بيتي وعندي تحت ستديو بنخلص فيه شغلنا، كان بيتردد علي البيت عشان الشغل وكنت بحاول أأهل البنات أنه لسه موجود وبيخلي باله مننا ولحد ما كانت الوعود تتلاشي والمشاكل ترجع تاني، وقلة الأدب ترجع تاني من غير سبب، وأنا عندي مشكلة في شخصيتي إني لو وصلت لحد معين ممكن أأذي نفسي ودكتوري الخاص نصحه إنه يسيبني لما اتعصب أو يمشي ويسيبني ولكن كل مشكلة تحصل بينا يفضل قدامي يحرق أعصابي لحد ما أمسك المكنة وأحلق شعري".

وأكدت: "أنا كنت فوق أوي ومازالت وهو كان تحت ومعرفش يطلعلي فوق وحاول ينزلني ودا تحليلي لما حدث بينا"، موضحة: "أسفة للي عملته في نفسي وبناتي وفي الجمهور وبعتذر لجمهوري اللي كان مطلع على كل حاجة وطالعة بقولهم كلام ملهوش علاقة بالواقع، وطلعت غنيت عشان بناتي ميتعقدوش ولو كنت استخبيت كان بناتي جالهم عقدة مدى الحياه وحسستهم إنه نيولوك".

وأوضحت: "لما رجعنا لبعض بالشروط اللي متنفذتش رجعت بناتي يشوفوا الخناقات تاني لتدخله في كل شيء وهو كان فاضي تماما وكرهني في بناتي وحاولنا نرجع لبعض مش رجعنا لبعض، وقالوا إن حسام كتف شيرين وحلق لها شعرها، وقلت في مداخلة هاتفية إني لسه بحبه عشان أرحمه من الناس، وهو اللي حلق لي شعري أومال أبويا؟!، هو اللي وصلني لكدة وكانت فضيحة عامة لأننا كنا في فندق كبير، ووصلني للحالة دي وحاولنا نرجع لبعض".

وأوضحت الفنانة شيرين عبد الوهاب حقيقة علاقتها بزوجها السابق حسام حبيب وما دار بينهما خلال فترة زواجهما وما تبعها من أزمات تداولتها وسائل الإعلام خلال الفترة الأخيرة، وذلك أثناء مداخلتها الهاتفية مع الإعلامية لميس الحديدي ببرنامج "كلمة أخيرة" على فضائية "on".
ونستعرض أبرز تصريحات للفنانة شيرين عبد الوهاب خلال مداخلتها الهاتفية:

1- إطلاق لقب صوت مصر عليا حاجة كبيرة.

2- أنا أسفة إني بتكلم في موضوعي والبلد فيها مشاكل أكبر بكتير، وحاسة إن موضوعي بوّخ.

3- بستغفر ربنا لأني كذبت في حاجات كتير أوي لإني بنت أصول، عشان أرفع صورة إنسان يمكن يتجوز ويبعد عني.

4- كنت قاعدة في أمان الله مع عيالي اللي شايفين الويل، وسافرنا الساحل.

5- كنت محبوسة في أوضة نومي 24 ساعة في اليوم.. وعايشة مع زوج مبيشتغلش.

6- كنت فاكرة إني بحاول أحافظ على بيتي.. بس مكانش بيت، كان مصيدة فيران.

7- جاني بلاغ بسرقة سيارتي كانت مكتوبة باسم حسام حبيب.

8- الناس فاهمة كويس إني كنت بكدب عليهم، وكنت عايشة مع راجل مش بيشتغل وكل همه حب الامتلاك.

9- أنا خدامة الراجل اللي أعيش معاه، وده مش عيب.. لكن لقيت نفسي من بعد الكورونا بتدمر.

10- حسام حبيب خسرني أمي وأصحابي والسواق بتاعي، وشايف كل الناس متآمرة عليه، فصدقته ولكن الحقيقة مش كده، ولازم يتعالج نفسيا.

11- اتطلقنا طلاق بائن لما قصيت شعري، وبعد ما هديت حسيت إنه أنا مش قادرة أستغنى عنه وبحبه وليه مديلوش فرصة تانية!

12- كنت بحب حسام حبيب، وعملت أستوديو لشغلي وشغله، واشتريت له كل الأغاني اللي عجبته.

13- حسام حبيب قالي إني تخنت وبقيت شبه أمي وهو عايز واحدة يتباهى بيها قدام الناس.

14- حسام حبيب ضربني وسحلني على الأرض وهو اللي حلقلي شعري.

15- حسام حبيب كرهني في بناتي، معندوش شغل وكان فاضيلي.

16- غنيت وأنا قرعة عشان بناتي ميتعقدوش، وحسستهم إن ده نيولوك.

17- قالوا إن حسام حبيب كتف شيرين وحلق لها شعرها.. وبالفعل هو اللي حلقلي شعري.

18- كنا في الفورسيزون وزعلانه منه، وجالي صالحني، واتخانقنا، وكان عايز ينزلني بقميص النوم عشان نتطلق.

19- شوفت أيام سودة مع حسام حبيب.. وبعد الطلاق ومحاولة الرجوع فتحنا شركة هو رئيس مجلس إدارتها.

20- كنت بدي أهل حسام حبيب شيكات، ومصاريف والدته، والشقة اللي قاعدين فيها دلوقتي أنا دافعة فلوسها لغاية آخر السنة، هو مخدش فلوس في إيده، بس أنا كنت بدي حقه وفلوسه لأمه.

21- حبته عقربة.. أنا في حياتي متأذتش من إنسان كدة.

22- أنا كنت زي البدر، ولما اتجوزته بقيت زي حسن أبوالسعود.

23- حسام حبيب كان بيمثل عليا، وأنا طلعت بنت أصول.

24- أنا بحب أعمل الخير، وأبو حسام حبيب هو المتحدث الرسمي باسم العلاقة دي.

25- خرجت من علاقتي مع حسام حبيب بالوكسة والندم، وعملتله محضر بعدم التعدي.

26- حسام حبيب استغل وجودي في الساحل وأخد عربيتي.

27- أنا اتهنت أوي وهاخد حقي.

28- موضوع حسام حبيب اتقفل، وأتجوز الفيل أبو زلومة ومتجوزوش.

29- سأتخذ الإجراءات القانونية ضد حسام حبيب لأنه أخد عربيتي

30- أنا غلطانة، وحقكم عليا.

31- حسام حبيب عطاني هدية في إيدي "رصاصة"

32- أنا ست قوية، واتظلمت.. وظلمت نفسي.

33- حسام لازم يتعالج نفسيا.

34- أنا عاوزة حقي من حسام حبيب