مش بشيل كل حاجة.. يوتيوبر شهيرة تصدم متابعيها بعدما اكتشفت إصابتها بمرض مزمن | شاهد
صدمت اليوتيوبر الشهيرة ومقدمة المحتوي الشابة صاحبة الـ 25 عاما، إيمان صحبي، متابعيها عندما ظهرت في مقطع فيديو مدته 5 دقائق بعنوان: «ماذا لو مرضت فجأة؟!عمري ما كنت أتوقع إني هكون بعاني من مرض مناعي مزمن» وفيه تحكي باكية تفاصيل معانتها من أعراض مرض مناعي مزمن قد يستمر معها لآخر العمر.
وقالت مقدمة المحتوى الشابة واليويتيوبر الشهيرة في بداية مقطع الفيديو الذي نشرته عبر صفحاتها الرسمية على مواقع التواصل الاجتماعي: «ماذا لو مرضت فجأة؟! روحت افتح الدولاب علشان أجيب المكواة اكتشفت إني مش هقدر اشيلها، ماذا لو صحيت من النوم واكتشفت إنك مش قادر تقف على رجلك بسبب ألم شديد».
وأوضحت إيمان صبحي صاحبة الـ 25 عاما: «ماذا لو دخلت الحمام تغسل وشك عادي، حاجة يقدر أي إنسان يعملها طول الوقت، لاقت وجع مؤلم جدا، دراعك مش واصل لوشك أصلا، خرجت تعمل قهوة حتي ما قدرتش تمسك الكوباية».
ايمان صبحي: كنت فاكرة تعبي مجرد إرهاق
وأضافت اليويتوبر الشهيرة: «فجأة ما بقتش فاهم حاجة، وإيه اللي حصل، وليه فجأة بتحس بالألم دا.. دي حياتي بقالي فترة، وقولت لنفسي: ما تركزيش يا بت يا ايمان تلاقي دا إرهاق، حاسة إني عيلة صغيرة أوي من كتر ما أنا قاعدة بعيط، بقالي كام يوم اصلا».
وأشارت إيمان صبحي: «فات يوم والثاني والثالث، وما قدرتش أنام من وجع مفصالي، دا احساس صعب اوي، ومش مريح، بقيت اخاف يجي باليليل، علشان عارفة إني مش هقدر أنام، والصبح بصور فيديوهات عادي وايدي وجعتني اوي».
ولفتت إيمان صبحي: «مش بس بصور أنا كمان بسافر، وبخرج وبكتب وبعمل اجتماعات، بعمل كل الحاجات اللي عاوز أعملها بس بألم رهيب، قبل يوم سفري قعدت 3 ساعات بعيط من الألم، بسبب إني هحس بألم لما رفع الشنطة، وكل دا وفي نفس الوقت ما كنتش قادرة أفتح علبة التونة لقطتي، أو افتح الباب لنفسي أو حتي اشيل إزازة الميه».
ونوهت اليوتيوبر الشابة: «مين كان يتخيل إنه دا يحصل الصراحة، وإنه يكون عندي مرض، معرفش إيه سببه، وموقف لي حياتي بالشكل دا، موقف لي حياتي لمدة شهر وشوية، واحتمال شهرين لأني الأدوية ما بتجبش أي نتيجة، وموقف لي حياتي».
ايمان صبحي: مناعتي بتهاجمني بدل الأمراض
وأفادت إيمان صبحي: «روحت لدكتور والثاني والثالث، لحد ماعرفت إنه عندي مرض مناعي مزمن، مناعتي فيها خلل ما بدل ما تهاجم الأمراض؛ بتهاجمني شخصيا، بتهاجم مفصالي، قصة حزينة أوي الصراحة، ومرهقة جدا ومش في وقتها خالص».
وبينت اليوتيوبر الشهيرة: «بعد الرنين والسونار والتحاليل دي كلها التهابات كتير حوالين العظم، ومخلية حياتي بائسة جدا، واكتشف إنه رحلة العلاج طويلة، طويلة جدًا، والحقيقة إنه ما فيش علاج أصلا، دا مرض هعيش به وكل اللي نقدر نعمله إنه نقلل الوجع والالتهابات، والورم وأحاول أعيش حياة طبيعية، بقالي شهر وأسبوع في ألم طوال الوقت و3 أسابيع بأخد أدوية ما بتجبش اي نتيجة، ومن يومين أخدت كورس علاج جديد اتمني إنه يخيليني أحسن».
وأردفت إيمان صبحي: «بحكي دا لأني اتعمت علشان اتعلمت درس مهم، على مدار سنين كنت بعاني من الألم في مفاصلي بس عمري ما ركزت معاها، كنت أتالم فطنش، ويومين وتخف بس اللي اكتشفه إنه دا غلط، الدكتور قالتي وقت السونار هنا فيه آثار التهابات قديمة، وكثافة العظم قلية جدًا، واربطة القدم ضعيفة كمان، ما عنديش فكرة إيه اللي جاي في المستقبل بس أتمني إنه يكون سهل».
اليوتيوبر الشابة: خلي بالكم من أي أعراض غير طبيعية
واختتمت إيمان صبحي: «الخلاصة يعني لما هتمرض فجأة هتغضب، وهتقول لنفسك يا ريتني أخدت بالي من صحتي وروحت للدكتور من بدايات علامات الوجع وما ستنش إنه حالتي تسوء للدرجة دي، كدا كدا المكتوب كان هيحصل بس على الأقل مش بالطريقة المؤلمة دي، كان ممكن اتفادي كل دا لو كنت أخدت الألم البسيطة على محمل الجد، فتعملش زي طالما حسيت بحاجة مش طبيعة، لكل يصبر كل أصحاب الأمراض المزمنة».
قصص مشابه من متابعيها في التعليقات
وكانت من أبرز التعليقات على فيديو مقدمة المحتوي الشابة، إيمان صبحي: قول شيماء: «إيمان صبحي.. بنت ملهمة بجد.. أنا حزينة جدا على مرض إيمان.. حزينة أكتر لما شوفتها بتعيط.. فاهمة جدا يعني ايه التهاب مفاصل.. وعارفة يعني ايه منعرفش ننام طول الليل من الوجع ولا نقدر نشيل حاجة ولا نقدر نضغط ع رجلنا، مش عارفة ليه قاعدة بعيط! عشان يمكن بكتب وانا بتألم من ايدي! رغم واخدة مسكنات وحقن وأدوية اااد كدة! وبرضه الدوا مش جايب معايا نتيجة بقالي فترة.. بس بطلع للعالم واضحك.. أكيد مرحلتي مش زي إيمان.. بس فاهمة ألمها.. وعارفة انها هتتخطى وتتجاوز.. وعارفة اننا قصرنا ف حق نفسنا من أول مرة حسينا بألم وطنشنا ومارسنا عادتنا اليومية الخاطئة..
سلام وتحية المقاتلين الملهمين في العالم.. الوقوع فترة مش نهايتها.. وايمان هتقوم تاني تبهجنا بفيديوهاتها الحلوة اللي زيها، ويارب يشفينا جميعا عشان صغيرين أوي ع الآلام دي».
وأضافت أسماء: «عشت مع مرض مزمن سنين وسنين ولسه مكمله مع مرض كمان صداع عنقودي ونصفي وجيوب انفيه ده اقوي درس للي زينا أننا الي الله راجعون قوه الايمان هنا مش معناها الغضب أو البكاء لا الحمد لله علي كل حاجه لان الحياه هتنهي وهنترفع درجات علي صبر المرض حاربت مرضين وانتصرت وكانوا أشد من بعد ما يقرب من 25سنه لكن جاه الصداع وقالي ماليكش مفر خلاص عيشي وتعايشي بقه واجمع كل قوتك تعدي النوبات بالمسكنات وهانت كل شمس بتغيب بتقربنا بي لقاء رب العالمين اشهد الله اني صبره محتسبه مرض في ميزان حسناتي وربنا يشفي كل مريض».
وأكملت دكتور جيهان: «ياجماعة كل واحد من اليوتيوبر، اللي بيعرضوا حياتهم وشكلهم ويومياتهم، بيتعرضوا لمرض او الم لا حظت كتير منهم حياته بتتحول بعد الشهرة، بتحصل حاجات مش مفهومة، وخطيرة مرض طلاق حادثة، ربي يعافيهم ويحفظهم
خلوا بالكم من حياتكم ربنا اعطانا الحياة والصحة، وهي فضل ونعمة لازم لها الشكر
والزكاة عنها، ربي يشفيكي ويعافيكي».
ولفتت عمر: «انا حاسس بيكي جدًا جدًا — من يوم ٧ سبتمبر ٢٠٢١ وأنا اكتشفت ان عندي مرض نادر جدًا في عيني اسمه Degenerative Vitreous Syndrome وللأسف، شبه، ملوش علاج اللهم إلّا عملية أخطر مما أي حد يتصور وعشان تتم بفعالية لازم تتعمل برة مصر، ربنا سبحانه وتعالى قادر يمن علينا بالشفاء من عنده، وهو على كل شيء قدير، ولكِ خالص الدعاء بإذن الله».
من هي ايمان صبحي مقدمة “ماذا لو”؟
تخرجت إيمان صبحي من كلية الإعلام بجامعة القاهرة واتجهت للعمل في مجال الماركتنج لمدة 5 سنوات ثم شعرت بملل كبير لذا قررت الاتجاه لتقديم الفيديوهات وللحصول على مقابل مادي
كشفت إيمان صبحي في وقت سابق عن دخولها مصحة نفسية منذ 5 سنوات حيث ظلت لفترة تعاني من الاكتئاب وتتعالج منه لمدة عام.
ونبهت إيمان صبحي في شهر يونيو 2022م أن سبب طلاقها من زوجها عدم وجود أي معني للسعادة في حياتها، مردفة: «العيشة مكانتش مستحيلة بس مبقناش مبسوطين سوا».
