عيب شيل الفيديو.. هجوم ناري من الجمهور على محمد رمضان بعد صفع كومبارس | شاهد
انتقد بعض جمهور الفنان محمد رمضان، بعد نشره مقطع فيديو من كواليس مسلسله الرمضاني المُقبل "العمدة"، عبر حسابه بموقع "إنستجرام".
وظهر رمضان في الفيديو وهو يصفع شخص على رأسه ضمن أحداث العمل، وعلق: "جعفر العمدة بيصبح وبيقولكم رمضان يجمعنا والعمدة يدلعنا، وعلى رأي صاحب الحساب ثقة في الله نجاح".
وانهالت تعليقات الجمهور على الفيديو بين مؤيد ومعارض وجاءت كالتالي: "الكل فرحان علشان العمدة في رمضان، بتقل من كرامة الكومبارس كده حرام تنزل حاجة زى كدا مينفعش تنزل حاجة زي كده".
وعلق آخرون: "شكل الراجل قدام عيلته إيه وبتتباهى أوي وإنت منزل الفيديو، مقطع غير مرغوب فيه لأنك بتنشر شيء يضايق النفس ويمكن نشره للأطفال أو المراهقين بعمل نفس الحركة وقد تسبب في حوادث أو ما شابه"، و"إنت تحتاج للمشورة في ما تنشره قبل أن تنشره للأسف يا ريت تمسح هذا المقطع".
وعلق شخص آخر: "وذنبه إيه الممثل أو الكومبارس إنه يحصل فيه كده ودي غلطتنا إحنا عشان واحد بيحارب وبيحاول يوصل ل ٢٠٠ جنيه بعد سحله ومعاملة مكاتب كاستنج وآخر قلة قيمة تحت مسمى السعي آسف يا إنسان أخطأت في نزولك للفيديو ده لو مش عشانك فعشان أسرة الراجل ده لما يشوفوا مقطع زي ده هتقولي هو قبل معنديش مشاكل عشان هو حلمه يمثل قدامك بس الإنسانية هنا راحت منك حبتين تلاته".
وعلق آخر: "إحساس الشخص ده أو أهله وهو بيضرب كده حتى لو تمثيل مهين في المسلسل لقطة وبتعدي لكن بوست والناس تعمل عليه حفلة عيب، ممكن تشيله لو سمحت".
مسلسل "العمدة" تدور أحداثه في إطار اجتماعي شعبي، وهو من تأليف وإخراج محمد سامي، وشارك في السيناريو والحوار مهاب طارق، وإنتاج شركة ميديا هب سعدي –جوهر.
المسلسل بطولة النجوم، محمد رمضان، زينة، هالة صدقي، إيمان العاصي، مي كساب، أحمد داش، فريدة سيف النصر، طارق الدسوقي، وعدد آخر من الفنانين.
