المخدرات مش بتاعتي.. تفاصيل اعترافات منة شلبي ولغز الـ 4 بلاد قبل القاهرة

منة شلبي
منة شلبي

ألقت الأجهزة الأمنية بمطار القاهرة، القبض على الفنانة منة شلبي أثناء عودتها من الولايات المتحدة الامريكية وذلك أثناء الإجراءات الجمركية، حيث ضبط رجال الجمارك مواد مخدرة بحوزتها وتم الاشتباه في كونها مخدر الماريجوانا.

وقامت الاجهزة الامنية بالتحفظ على الفنانة منة شلبي في صالة رقم 3 بمطار القاهرة الدولي، إلى أن تم تحويلها إلى قسم النزهة ثم إلى المحاكمة الجنائية، بعد التأكد من أن ما تم ضبطه معها هي مواد مخدرة، إلا أنها نفت تمامًا علاقتها بتلك المخدرات في التحقيقات. 
 


انا مش بشرب الحاجات دي 

ونفت الفنانة منة شلبي خلال التحقيقات علاقتها بالمواد المخدرة التي تم ضبطها بحوزتها في مطار القاهرة، موضحة إنها كانت عائدة يوم 25 نوفمبر الماضي من أمريكا بعد حضورها مهرجان «انترناشونال » في نيويورك، وأنها فوجئت باحتجاتها في غرفة الأمن في مطار القاهرة وقتها، قائلة: «وأنا في مطار القاهرة عديت على الجمارك، وأنا خارجة وكان معايا 3 شنط والدنيا كانت زحمة وأنا حطيت الشنط اللي معايا على السير علشان يتشاف فيها ايه لقيت واحد من اللي واقفين في الجمرك بيقولي معاكي سيجارة إلكترونية، قولتله إني بدخن فيب وكنت بفتح الشنطة علشان اوريله الفيب، فلقيت واحد جه وقالي إحنا هنفتح الشنط نشوفها».

وتابعت: «وأنا وافقت وقولتله اتفضل، وقعد يقلب في الشنطة وبعدين جه واحد ثالث كان بيفتش معاهم وأنا طلعت السجاير الالكترونية وواحد منهم قالي ممكن تقعدي شوية ووداني غرفة في الجمارك قعدت فيها شوية والشنط كانت معاهم في الوقت دا».

واستطردت منة في التحقيقات: « لقيت ناس كتير وضباط مطلعين علبة مكياج لونها أخضر بيقولولي إن دي فيها ماريغوانا فقولتله مفيش الكلام دا مش صح وده مكياج عادي بعدين لقيته بيقولي معاكي كوكايين، قولتله أنا مش بشرب الحاجات دي أصلا وبعدين قالولي طيب استني شوية، وبقيت سامعة كلام كتير برا، وبعد ساعتين تلاتة لقيتهم بيقولولي اطلبي المحامي بتاعك فبقولهم ايه اللي حصل؟، قالولي إنتي معاكي ماريغوانا، وهتتعرضي على النيابة، وفي نفس الوقت لقيت أخبار نازلة إني مقبوض عليا ومعايا مخدرات وفضلت هناك لحد ما جيت هنا واتعرضت على النيابة».


لغز 4 دول مرت بها منة شلبي قبل مطار القاهرة 

أكدت الفنانة منة شلبي خلال التحقيقات، أنها تنقلت بين عدة دول خلال الفترة الأخيرة قبل عودتها إلى مطار القاهرة من الولايات المتحدة الامريكية، حيث سافرت إلى المملكة العربية السعودية لأداء فريضة الحج في يوليو الماضي، ثم إلى الإمارات لحضور عرض فيلم جديد لها، ثم اليونان للاحتفال بعيد ميلادها، لتكن محطتها الأخير نيويورك.

المواد المخدرة المضبوطه بحوزة الفنانة منة شلبي 

وبلغت المواد المخدرة التي تم ضبطها بحوزة الفنانة منة شلبي، 27 قطعة تشمل « فاب سجائر الكترونية، زيتي حشيش، قطع حلويات مخلوطة بنبات الماريجوانا»، وذلك وفقًا لما أوضحته الشهود وتقرير المعمل الكيماوي، حيث أثبت التقرير أن المضبوطات تحوي على مخدرين هما الحشيش والقنب المدرجين بالجدول الأول من جداول المخدرات.