لحظة شيطان ومراتي حامل.. اعترافات مثيرة للفران المتهم بهتك عرض فتاة جامعية في الشارع

أحال المحامي العام الأول لنيابة شمال القاهرة الكلية المتهم بهتك عرض فتاة جامعية إلى الجنايات.

جاء بأمر الإحالة أن المتهم هتك عرض فتاة جامعية بالقوة بأن باغتها إبان سيرها بالطريق العام وتحسس بيده مناطق حساسة بغير رضاها ملقيا الروع في نفسها واستمعت جهات التحقيق لأقوال المتهم  وجاءت كالآتي:

اعترافات المتهم

س: ما تفصيلات إقرارك؟

ج: اللي حصل ان انا يوم الصبح كنت رايح مرور عبود أجيب رخصة جوز أختي عشان مسحوبة منه وبعدين وأنا معدي في شارع الباشا شفت بنت حلوة ماشية في الشارع وأنا كنت راكب الفزبة فا وأنا معدي من جنبها مديت ايدي ومسكتها من تحت.

ومشيت وامبارح بليل كنت بقابل اللي انا شاري منه المكنة عشان طلب مني صورة من التوكيل فجه ضابط شرطة ومعاه خمس أمناء وخدوني على القسم وهو ده كل اللي حصل
س: ما هي علاقتك بالمجني عليها؟

ج: معرفهاش كنت اول مرة اشوفها
س: ما هي طبيعة عملك؟

ج: أنا شغال عامل في فرن
س: وكم تجني من ذلك العمل تقريبًا؟

ج: حوالي 80 جنيه في اليوم

المتهم: متجوز وعندي عيال

س: وما هي حالتك الاجتماعية؟

ج: متجوز وعندي عيل ومراتي حامل في الشهر الخامس.

س: وألا تشبع رغباتك الجنسية مع زوجتك؟

ج: لا بقالي فترة مش بعمل معاها حاجة عشان هي

س: أذلك الذي دفعك للقيام بما آتيته من جرم؟

ج: انا غلطان ياباشا وهي كانت لحظة شيطان

س: وما هي كيفية ارتكابك للواقعة؟

ج: كنت راكب الفزبة وماشي جنبها حاجة جوايا قالتلي اعمل كدا فقمت مقرب عليها وماسكها من منطقة حساسه.