فضيحة بأطفيح.. اعترافات مثيرة للمتهمة بمساعدة زوجها في هتك عرض ممرضة الجيزة

أحال المحامي العام الأول لنيابة جنوب الجيزة الكلية، عامل مسجد وممرضة تدعي نجلاء من أطفيح إلى محكمة الجنايات لاتهامهما بخطف زميلتها الممرضة التي تبلغ من العمر 24 عاما والاعتداء عليها بالقوة، بعد أن استمعت النيابة الى أقوال المتهمة.

نص أقوال المتهمة: 

س: ما تفصيلات إقرارك ؟

ج: "اللي حصل إنى أنا وزنوبة شغالين في عيادة دكتور نسا وتوليد ومن فترة حوالي 3 سنوات جبنا أنا وزنوبة ملابس داخلية في العيادة وبعدين صورتني بالموبايل وكنت بقيس الملابس الداخلية وأنا كنت موافقة وبعدين هي هددتني بالصور اللي معاها ليه وأنا كنت ظاهرة في الصور بالملابس الداخلية وقالتي هورى الصور دى لجوزك ومن حوالي 20 يوما تقريبا كانت في العيادة وكانت جايبة ملابس داخلية وكانت بتغير هدومها وأنا صورتها بالملابس الداخلية برضه وهي شافتني وما اعترضتش وبعدين جتلى البيت يوم الخميس المغرب تقريبا وأنا قولتلها امسحى الصور اللي عندك اللي أنا ظاهرة فيها بالملابس الداخلية وأنا همسح الصور اللي معايا ليكي وبعدين أنا طلبت منها تفتح التليفون بتاعها وهي رفضت وبعدين رحت رمياها على الأرض وحطيت بلاستر على بوقها عشان متصرخش والناس تسمع صوتها وبعدين روحت مقلعاها هدومها وروحت مصوراها فيديو على التليفون بتاع جوزى وبعدين أنا روحت شلت البلاستر اللي كان على بوقها وجبت ليها ميه بسكر وبعدين طلبت منها أنها تمسح الصوروبرضه موافقتش وبعدين كانت لابسه خاتم وحلق قلعتهم ليها  وسبتهم عندي في البيت وسبتها تمشي وخرجت في الشارع وصوتت وبعدين الناس اتلمت وبعدين الحكومة جت قبضت عليه انا وجوزي واخدونا علي المركز وجابونا انهارده علي هنا وهو ده كل اللي حصل".

خطف المجني عليها بالتحايل

وجاء بأمر الإحالة، أن المتهمين خطفا بالتحايل المجني عليها  بأن استدرجاها لمكان قاص (مسكنهما ) بزعم مرض المتهمة، الأولي، قاصدين من ذلك إبعادها عن أعين ذويها وقد إقترنت تلك الجناية بجناية أخري هي هتك عرض المجني عليها بالقوة بأن كبلاها، وحسر عنها المتهم الأول ملابسها عنوة واستطالت يده لمواطن عفتها.