لابس جاكيت حريمي.. القصة الكاملة لخناقة شذى وحسن شاكوش

هاجمت الفنانة شذى مؤدي المهرجانات حسن شاكوش بعد تصريحاته ضدها في برنامج بسمه وهبة.

وانتقدت شذى حديث شاكوش واسلوبه في الحوار، واصفة اياه بالمستفز، مطالبه بأن يقوم بتحضير اجاباته بدلا من اجاباته التي تعبر عن جلوسه على مصطبة وليس أمام المشاهدين.

وقالت عبر صفحتها بـ فيس بوك « طب انت مستفز يا شكشك بدل كلمه مستفز بتعصبك ودكتوره بسمه وهبه علشان هي ست شيك، قالتلك شذى فنانه زميله علشان تجبر بخاطرك بس الحقيقه انت لا فنان ولا زميل بالنسبالي خالص.

و أضاف: «أنت مؤدي وبالنسبالي صوتك مزعج انما فنان زميل دي انا اعترض عليها بشده ودي الحقيقه بس علشان، دكتوره بسمه مؤدبه وانت ضيفها مقلتلكش الحقيقه واصلا مينفعش تسأل مين دي مش علشان لازم تكون عارفني بيني وبينك اريح لو متعرفنيش وتعمل الشويتين بتوع ااااااه عارف اسمها ومش عارف اغانيها ومال شكلها اتغير كده ليه وجو ٣ ورقات ده».

وأكملت شذى حديثها عبر منشورها: «لان الرد موجود ما انا او محدش فاكرني ولا عرفني مش هيجيبوا كلامي ويعرضهولك يا جاهل، واصلا اسماء الاغاني اللي انت قولتها دي تتكتب على تكاتك متعملش فيها بيتهوفن والنبي ومش معنى ان في هيصه الفتره دي على اللون ده ان انت واللي، زيك صناع المزيكا في مصر ابدا والله انتوا فاضحنا في العالم كله بردائه المزيكا اللي بتقدموها، وعموما وعمليا ردك ملهوش دعوه خالص بالسؤال ولا فهمت منك حاجه ومش عيب انك تحضر قبل الحلقه عفوي وعلى طبيعتك دي لما تكون قاعد على مصطبه او واثق في ردودك الذكيه المنطقيه اللي هي مش موجوده اصلا ف إبقى حضر بعد إذنك علشان بدوخ المذيعين معاك».

وانهت البوست قائلة: “ملحوظه الجاكت اللي كنت لابسه حريمي يا فنان”.

حسن شاكوش يهاجم شذى

البداية كانت بهجوم مطرب المهرجانات حسن شاكوش، على الفنانة شذى بعدما وجهت له انتقادات وقالت إنه لا يجيد الحديث، وقال شاكوش: «هي بتغني؟.. هي دي مغنية؟.. بتغني إيه؟؟؟ معرفهاش والله العظيم، أنتِ حافظة لها أغاني؟».

وأضاف«شاكوش»، خلال حواره مع الإعلامية بسمة وهبة، مقدمة برنامج «العرافة»، على قناة «المحور»: «ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE».

كما ردّ «شاكوش» على مطرب المهرجانات حمو بيكا، الذي قال إنه مغرور، موضحًا: «حمو تلقائي، ومعاهم معاهم، عليهم عليهم، غلبان وطيب والناس بتلعب بدماغه ومشاعره، لما تكون طيب زيادة عن اللزوم بتبقى وحش جدا، عشان الناس بتقولك شمال يبقى شمال ويمين يبقى يمين، وبعد التصريحات دي، اتصل بيّ وقالي تعالى نقعد مع بعض».