أزمة حسن شاكوش وزوجته.. مفاجأة بشأن مأذون حفل زفافه على ريم طارق
كشفت هايدي الفضالي، محامية ريم طارق زوجة مغني المهرجانات حسن شاكوش، مستجدات أزمة موكلتها معه وذلك بعد استدعاءه من قبل جهات التحقيق بعد اتهامه لزوجته بسرقة نصف مليون جنيه.
وتابعت محامية زوجة شاكوش، ببرنامج "ملفات"، أن مطرب المهرجانات حسن شاكوش مثل أمام جهات التحقيق لكشف ملابسات أزمته مع زوجته واتهامه لها بسرقة أمواله.
وقالت محامية زوجة حسن شاكوش: "علشان ده ملف جواز وطلاق، والناس ديه لما اتجوزت كانت تريند، جهات التحقيق استدعت شاكوش علشان اتهامات بسرقة نص مليون، وقال كلام مش عايزه أقوله، ولجان إلكترونية تدخلت، أي إهانة ليها المفروض تكون إهانة ليك قبليها، حتى لو هي ست وحشة ومش كويسة، لو حد غلط فيها وهي على ذمتك يبقى غلط فيك انت، هي شرفك وعرضك واسمك، وهنا أنا مش بدافع عن ريم بدافع عن مبدأ، لو واحد اتجوز واحدة وبقت في بيته ميسمحش يقول عليها نص كلمة، والمفروض يمنع اللي يتكلم عليها، ولما واحد مراته اتهانت يبقى هو اتهان، لما مراتي تتهان يبقى أنا مليش لازمة، ومش موجود، ما بالك بالراجل اللي بيهين مراته، دي القضية بتاعتي، والمبدأ بتاعي، واللي عايز اتكلم فيه".
وأوضحت: "وصلنا إن إحنا ماشيين في إجرائاتنا العادية، وهما وقعوا في مصيدة غريبة أوي، هنبدأ نخاطر محكمة الأسرة بأكتوبر علشان ناخد الوثيقة الأولانية مش المميكنة، وهما معاهم القسيمة، وراحوا النهاردة عملوا بلاغ إنها أدلت ببيانات مزورة، ليه قاله كده علشان لما ذكرت في تصريحات صحفية، قولت لو أنا اكتشفت بعد ما أجيب الوثيقة وألاقي فيها حاجة مزورة أنا هقاضي المأذون أو من أدلى بالبيانات".
وردت محامية زوجة حسن شاكوش على تصريحات مطرب المهرجانات والتي تؤكد عدم علمه بزواج زوجته من قبل، قائلة: "النهاردة قالي إنه ميعرفش إن هي مش متزوجة، وإزاي يوم الفرح معرفش إنها متزوجة، وفي تلفيق كبير، وهم وقعوا في المصيدة، وعملوا إجراء النهاردة، ومين اللي هيجيب المأذون الزوج ولا الزوجة".
واختتمت: "هناخد إجراءات قضائية ضده وطليق زوجة حسن شاكوش، عشان نعرف هو طالع لوحده متبرع، ولا حد شجعه، ومش بستبعد حاجة، واللي يجيي يقول معرفش إن هي متزوجة دي هرتلة"
