كان في شاليه في السخنة مع ممثلة مشهورة.. طليقة حسن شاكوش تكشف تفاصيل مثيرة جديدة | فيديو

كشفت ريم طارق طليقة مؤدي المهرجانات حسن شاكوش تفاصيل لأول مرة عن علاقتها به وأوضحت بعض الأسباب الذي أدت إلى الطلاق.

وقالت خلال لقائها ببرنامج 90 دقيقة المذاع عبر قناة المحور مع الإعلامية بسمة وهبة: "في نهار رمضان كان مع ممثلة مشهورة والمفروض عندها مشكلة صحية في شاليه في السخنة هو مسجل اسمها بالعربي، وكانت كاتبة له إنت وصلت يا حبيبي؟ وبينهم علاقة وحبت في وقت إنها تسمعني صوتها كانوا مع بعض وقعدت تضحك بس حلال عليها.

وأضافت: "30 يوم في رمضان أنا بشوف حاجات زي اللي بحكيها لحضرتك دي على حاجات مختلفة".

وأردفت: "في رمضان كان بيطلع لايفات وقالي إن اللايف ده هيجيله منه هدايا والهدايا دي بتبقى فلوس وكان كل مرة يطلع لايف كان بيقول للناس أنا يحرم عليا كل جنيه من "تيك توك" هاخده وهتبرع بيه لجمعيات خيرية لأطفال وأنا كنت فرحانة جدا لأنه قالي أنا هديكي الفلوس وتروحي انتي تعملي كده".

واستكملت: " بعد اللايف هو اختفى قولتله فين الفلوس يا حسن عشان نوديها؟ قالي خلاص الموضوع اتنسى.. كانوا حوالي 30 ألف دولار وخدهم هو".

وكان مؤدي المهرجانات حسن شاكوش قرر طلاق زوجته ريم طارق غيابيا على يد مأذون بشكل رسمي.

ونقلا عن محمد أبو العلا محامي شاكوش في تصريحات لET بالعربي، أكد أن الطلاق تم بمستند رسمي لدى نيابة أكتوبر.