فانوس سحري؟.. الزمالك يكشف مصدر سداد غرامات الـ300 مليون جنيه
تحدث أحمد سليمان، عضو مجلس إدارة نادي الزمالك، بشأن مصدر سداد الغرامات التي دفعها النادي مؤخرًا كمستحقات متأخرة.
وأعلن النادي سداد غرامات سابقة للأندية واللاعبين والمدربين السابقين، تصل لنحو 6 ملايين و522 ألف و913 دولار، ما يقترب من 300 مليون جنيه.
وقال أحمد سليمان ردًا على سؤال الإعلامي مهيب عبدالهادي عبر برنامج «اللعيب»: «الفانوس السحري اللي أنتوا لقيتوه ودفعتوا الغرامات؟ مش فانوس سحري ده تخطيط مجلس إدارة».
وأضاف سليمان: «قولنا هنحل المشاكل في النادي، ومن ضمنها موضوع فرع 6 أكتوبر، وقعدنا سنين عجاف، وقدرنا ناخد بطولة الكونفدرالية».
وأكمل: «وقدرنا نكسب السوبر الأفريقي فعملنا نتائج من الموضوع ده، وقدرنا نحلها دلوقتي الموضوع الأكبر إن فرع أكتوبر قدرت تشتغل فيه استثمارات وخلصت الورق والتراخيص».
وتابع: «المشروع بدأ يجني ثماره، بجانب الزملكاوية المحترمين زي أي نادي في مصر، ناس محبين له بيحاولوا يدعموا ويزودوا».
وزاد: «تم فك القيد بمبالغ كبيرة حوالي 7 مليون دولار ولسة عندنا قضيتين تانيين بمبلغ كبير جدًا».
