بعد جدل تنمره.. فيديو لـ مصطفى غريب يحرج دنيا سامي بعد سؤال مفاجئ من الأخيرة | شاهد
شاركت الإعلامية سالي عبدالسلام، جمهورها، مقطع فيديو للفنان مصطفى غريب ودنيا سامي، أثناء مزحهم ورقصهم سويا في إحدى أعياد الميلاد الخاصة.
ونشرت «سالي» الفيديو عبر «انستجرام»، حيث كتبت الحوار الذي دار بين الثنائي:«قاعدين في عيد ميلاد رحمه من حوالي شهر والدنيا لذيذة كده، فجأة، دنيا انا بسأل بجد انا احلى ولا الرقاصة؟، ليرد مصطفى:» بجد، الرقاصة طبعا«.
وأضافت «سالي»، قائلة:«الرقاصة واقفة بتتفرج عليهم، ده مشهد من فيلم بجد، وهما كده فجأة».
توضيح من دنيا سامي بشأن تنمر مصطفى غريب عليها
علقت الفنانة دنيا سامي على تصريحاتها التي انتشرت خلال الساعات الماضية على مواقع التواصل الاجتماعي، بعدما تحدثت خلال لقائها مع الإعلامية إسعاد يونس عن تنمر الفنان مصطفى غريب عليها.
وكتبت دنيا سامي عبر حسابها على «فيسبوك»: «بالنسبة للبوستات المنتشرة اللى مشيره حلقتى مع أستاذه اسعاد يونس اللى انا بقول فيها أن مصطفى غريب بيتريق عليا وبيقول عليا وحشة وده طبعًا جاب لمصطفى الكلام والشتيمه..اولًا شكرًا على دفاعكوا عني بس انا اصلًا مش زعلانه من حاجه وانا ومصطفى صحاب ودفعه واحده واحنا الاتنين اتمرمطنا زى بعض وانا كنت بحكي ده بهزار لاني عارفه اني قمر».
وتابعت دنيا: «مصطفى غريب ده اقرب واجدع واطيب بنى ادم في حياتى وحياه كل صحابه ولو قعدت اتكلم عليه من هنا ل ١٠٠ سنة مش هيكفي والله قد ايه هو ضهري ف الحياة.. واللى انا قولته في البرنامج على اللى مصطفى بيقوله عليا ده هزار بين أي صحاب في أي شله وانا الحمدلله معنديش عقد ومش حتى عندى عقد ومش عارفه ومش عندى عقد هتظهر بعد كده..هو بجد مفيش حاجه واصلًا لو كملتو باقى الحلقه مع استاذه اسعاد هتعرفو اننا مسكناه تريقه وتقطيع اكتر من اللى هو بيهزر فيه معايا بكتير.. ولو سمحتو محدش في الدنيا يشتم مصطفى غريب غيري».
يذكر أن تصريحات الفنانة دنيا سامي مع الإعلامية إسعاد يونس قد أثارت جدلًا خلال الساعات الماضية حيث قالت دنيا ضاحكة: «الوحيد اللي لحد النهارده شايفني وحشة هو مصطفى غريب، بيقولي: أنتي أوحش بنت شوفتها في حياتي والله العظيم! أنا وهو اصحاب جدا، وهو متنمر، هو شايفني بنت وحشة أوي وأنا شايفة نفسي حلوة جدا»، واختتمت كلامها بضحكة ساخرة وبروح مرحة أسرت الجمهور.
