ضربها وخد دهبها.. القصة الكاملة لاتهام إسماعيل الليثي بالتعدي على زوجته شيماء سعيد | شاهد
ظهرت الميكاب ارتيست شيماء سعيد زوجة المطرب الشعبي إسماعيل الليثي وهى فى حالة انهيار من خلال فيديو عبر حسابها على تيك توك بعد ان ضربها زوجها ضرب مبرح حسب وصفها وسرق الذهب الخاص بها وأموالها ومفتاح سيارتها
وقالت شيماء سعيد، معلقة: “صحيت لقيته واخد بناتي وسارق فلوسي ودهبي انا مستحملة ١٠ سنين وبيكلم بنات عليا عايزة حد يلحقني ”.
من جانبه نفى المطرب الشعبي إسماعيل الليثي، ما تردد بشأن انفصاله عن زوجته شيماء سعيد، مؤكدًا أنها مازالت زوجته، وذلك من خلال فيديو نشره عبر صفحته الرسمية على موقع التواصل الاجتماعي فيسبوك.
وردًا على ما اتهمته به زوجته بشأن ضربها وسرقتها، قال إسماعيل في فيديو حمل عنوان "توضيح هام": "اللي حصل خناقة أسرية زي أي واحد اتخانق مع مراته وبينزل من البيت، صحيت من النوم، إحنا في العيد كل سنة وانتم طيبين، حصل مشكلة بسبب كلام بيني وبينها، زي أي حد مسك في مراته واتخانق مع مراته، وسيبتها ونزلت لا فيه ضرب ولا أي حاجة".
وتابع "مصر كلها عارفة مين أبو رضا وإني شبعان وإني دايما في زيادة ليها، مقدرش أقول حاجة عليها لأنها أم رضا، هي مراتي وأنا مخدتش حاجة وكل حاجة معاها ولو أخدت أي حاجة اتحاسب"، موجها رسالة لمن يتدخل في حياته مع زوجته "ياريت كل واحد يخليه في نفسه، لا أنا وحش ولا عمركم سمعتم عني حاجة وحشة، ودي خناقة أسرية بين راجل ومراته محدش يتدخل بينا، آه هي نزلت الفيديو وانفعلت، بس عشان محدش يقعد يكتبلي ما هي اللي نزلت وقالت، بس أنتم عارفين إنها مراتي، كل واحد بيتخانق مع مراته".
وأضاف إسماعيل "ربنا يهدي الحال ويهدي حالها ويديها الخير كله ويجعلها أحسن مني دايما، ومفيش بيني وبينها أي حاجة ومخدتش منها حاجة ولا باخد حاجة من حد ومحدش ليه عندي جنيه، محدش يتدخل ويكتب أخبار كاذبة ويقول ضربها وسرقها وخد دهبها، أنت شفت، حد شافني، طول عمري في زيادة ليها، وربنا يجعلها دايما من المستورين، هي لسه مراتي وعلى ذمتي".
وفاة نجل اسماعيل الليثي
وفى شهر سبتمبر الماضي، اعلن اسماعيل الليثي عن وفاة نجله رضا بعد ان سقط من البلكونة وكتب عبر حسابه الرسمي بموقع التواصل الاجتماعي «فيسبوك»: «ابني وابن عمري في ذمة الله».
وكتب مطرب المهرجانات حمو بيكا من خلال حسابه على موقع فيسبوك، إنا لله وإنا إليه راجعون.. رضا ابن النجم إسماعيل الليثي في ذمة الله ربنا يرحمك يا رب ويصبر اهلك يا رب.
من هو إسماعيل الليثي؟
وإسماعيل الليثي هو مطرب شعبي قدم العديد من الأغاني الناجحة، وفى أحد اللقاءات، قال الليثي إن النجاح الذي حققه جاء بفضل دعوات والدته وجدته ومساندة أهله في إمبابة، مضيفا:" كنت بغني على طول منذ صغري، وجدتي دخلتني مركز شباب إمبابة ودخلت مسابقة وحصلت على المركز الأول، ثم ذهبت لدار الأوبرا المصرية لدى المايسترو سليم سحاب، وعلمني الكثير، وذلك عندما كان عمري سبع سنوات.
