كلي يقين في ربنا.. تطورات الحالة الصحية لـ ملك زاهر وهذا ما قالته عن مرضها
كشفت الفنانة ملك أحمد زاهر تفاصيل الوعكة الصحية التي تعرضت لها خلال الأيام الماضية، والتي استدعت دخولها إلى المستشفى، مشيرة إلى أن الأعراض التي عانت منها تم تشخيصها لاحقًا على أنها «حساسية في الدم».
وقالت في منشور لها عبر خاصية «الإستوري» بحسابها الرسمي بموقع الصور والفيديو «إنستجرام»:«أنا والله ما كنت متوقعة كل اللي حاصل ده أنا لما حبيت أشارك حالتي الصحية كان عشان أنا كنت مخضوضة جدا على نفسي وفكرة إن لا أنا ولا الدكاترة حتى عارفين أنا عندي إيه كانت رعباني».
وأضافت: «كنت محتاجة بس أوصلكم إن حياتي فيها الحلو وفيها الوحش وقلت في الستوري إن الموضوع مش الغرض منه القلق وإني مش عايزة حد يقلق عليا أنا كويسة وعندي يقين في ربنا إنه هيقومني بالسلامة وإن شاء الله تبقى حاجة بسيطة بس من خضتي كتبت مع إن دي مش طبيعتي إني أشارك الحاجات السلبية عموما».
وتابعت: «أنا بس مش عارفة أقول إيه ولا إيه من قلبي بشكر كل حد سأل عليا ودعالي والله كله كان بيوصلني وأنا أسفة لو مردتش على حد وبشكر كل زمايلي وأساتذتي اللي كانو بيسألوا عليا كل يوم ومسابونيش لحظة وكل صحابي وعيلتي اللي كانو جنبي أنا الحمدلله بقيت أحسن من الأول وبطلت أروح المستشفي الحمدلله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية وخضتنا بس برضو أنا كويسة والحمدلله أنها جت لحد كده».
واختتمت: «ربنا حماني من حاجة أكبر وأهم حاجة إذا عُرف السبب بطل العجب والحمد لله أننا عرفنا.. هي حساسية شديدة في الدم، الموضوع critical شوية بس أنا مطمنة أنا بخف وبتحسن كل يوم الحمد والشكر الله ومفيش حاجة خطيرة بإذن الله وأنا أسفة لو كنت قلقتكم بس ده مكانش الغرض أبدا والله شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من كل قلبي».
وكانت قد أعلنت هدى أحمد زاهر، تطورات حالة ابنتها الفنانة الشابة ملك زاهر، بعد تعرضها لوعكة صحية خلال الآونة الاخيرة.
وكتبت هدى زاهر عبر ستوري حسابها الشخصي على انستجرام: “ملك خرجت ولله الحمد والشكر من يومين وفي انتظار تقارير الاطباء عن الحالة بالظبط هي أحسن وهتكون أحسن ببركة دعائكم ليها ومحبتكم”.
وتابعت: “ان شاء الله التحاليل الاخيرة تعرفنا ايه السبب اللي عمل فيها كدة وأنا متفائلة بالله جدا وعارفة أن رب الخير لا يأتي الإ بالخير الحياة بتستمر والشغل والالتزامات بتستمر رغم كل الظروف”.
واختتمت: “عقبال يارب ما نتطمن على ادم أبن تامر حسني وبسمة ونفرح كلنا وفرحتنا تكبر”.
وكانت قد كشفت الفنانة الشابة ملك أحمد زاهر، عن تعرضها لوعكة صحية أدت لدخولها الي المستشفى وتلقيها العلاج.
وقالت ملك عبر خاصية الستوري على إنستجرام: «أنا عمري ما كنت بنزل غير الحاجات اللطيفة أو المواقف المضحكة أو أي حاجة إيجابية بشكل عام.. ولما كنت أحب أنزل حاجة سلبية، كنت باخدها بروح الدعابة وأنشرها على close friends وأهزر مع صحابي».
وتابعت ملك: "لكن بجد في الفترة الأخيرة لاحظت تعليقات كلها زي "مانتي عايشة ومبسوطة وإحنا مش"، أو "إيه كل اللي انتو فيه؟".. وحاسة إن الناس بقت تركز على أبسط الحاجات اللي عندي أو اللي بتسعدني، زي مثلًا إني أنزل الجيم، أخرج مع صحابي، أو أكون متألقة وأنا رايحة إيفينت معين".
