الأهلي يضع شرطا حاسما لبيع وسام أبوعلي

كشف تقرير تليفزيوني عن موقف النادي الأهلي النهائي في بيع نجم الفريق وسام أبو علي أو بقاءه مع الفريق، وخاصة بعد تألقه الملفت في كأس العالم للأندية.

وأوضح التقرير التليفزيوني عبر برنامج «ملعب on» المذاع على شاشة «أون سبورت»: «الأهلي مش هيبيع وسام أبو علي غير على حباب عنيه زي ما بيقولوا، والسبب ليس تألق اللاعب الملفت في الفترة الأخيرة فقط، بل كمان إنه مش محسوب لعيب أجنبي، فالأهلي محقق في وسام أبو علي نظرية عصفورين بحجر».

وأضاف: «في حالة تقديم عرض للنادي الأهلي لرحيل وسام أبو علي بمقابل ضخم، سيرحب الأهلي بفكرة رحيله ولكن المقابل سيكون بداية من 10 ملايين دولار، ولكن الحد الأدنى للبيع سيكون 8 مليون دولار، ويكون كلام على البونص ونسبة إعادة البيع بالتأكيد».
وتابع: «العرض اللي وصل للنادي الأهلي من النادي الأمريكي كان 6 مليون دولار، وده كان قبل كأس العالم للأندية، لسة منتظرين العروض اللي هتصل للنادي في الفترة الحالية».

وأكد: «الأهلي مش هيبيعه غير للشديد القوي ويكون مقابل مالي ضخم يكفل للأهلي استقدام لاعب محترف على نفس القدر من الأهمية ومستواه، واللي بالتأكيد هيكون برقم كبير جدًا جدًا».