شوفي حد يطلع معاكي ببلاش.. هجوم ناري من منة القيعي على ياسمين الخطيب بسبب سوزي الأردنية | شاهد

هاجمت الشاعرة الغنائية منة عدلي القيعي، الإعلامية ياسمين الخطيب، بعد حديثها عن البلوجر الشهيرة سوزي الأردنية، وكشف الرقم الذي طلبته من فريق إعداد برنامج «مساء الياسمين» مقابل الظهور في إحدى حلقاته.

منة القيعي تدافع عن سوزي الأردنية

وكتبت منة القيعي، عبر حسابها الرسمي على «فيسبوك»: «هو انا مش فاهمة انتوا بتهينوا الناس على أساس أيه يعني لما تطلب حقها؟؟ وحضرتك لو مش عارفة هي بتشتغل ايه بتطلبي منها تطلع معاكي ليه؟».

وأضافت: «انتي اللي عايزاها، انتي اللي كلمتيها مش هي اللي كلمتك، لا، حضرتك اللي كلمتيها تطلبي منها تطلع معاكي، وبعدين أيه عدم المهنية أننا نعلن عن أجور الناس على الهوا كدا؟ من امتي ودا مقبول اصلا؟ ما ترفضوا طلبها باحترام وتشوفوا حد تاني موافق يطلع معاكوا ببلاش».

خلاف ياسمين الخطيب وسوزي الأردنية

يذكر أن الإعلامية ياسمين الخطيب، كانت أعربت عن استيائها من سبب شهرة البلوجر سوزي الأردنية، مؤكدة أنها ترفض ظهورها في برنامجها مساء الياسمين، رغم محاولة فريق الإعداد التواصل معها.

وقالت «الخطيب»، خلال حديثها في البرنامج: «معنديش مشكلة شخصية مع سوزي الأردنية، ولما بجيب سيرتها بلاقي تعليقات إنها غلبانة وطيبة، بس أنا معترضة على سبب شهرتها. ليه كل ده؟ علشان شتمت أبوها؟! أنا معرفهاش غير من خلال الشارع اللي ورا، واللغة دي أنا مش بحبها ولا بستخدمها».

وكشفت عن رفضها القاطع لاستضافتها في البرنامج، موضحة: «فريق الإعداد كلّمها علشان تظهر معانا، لكنها طلبت 100 ألف! أنا معرفش بتشتغل إيه علشان تتقاضى الرقم دا، هتيجي تحكيلي إيه؟ إيه قصة النجاح؟».

ومن جانبها، ردت سوزي الأردنية على حديث ياسمين الخطيب، من خلال مقطع فيديو نشرته عبر حسابها الرسمي على «تيك توك»؛ ظهرت خلاله قائلة: «أنا هفيدك، أنا لما أطلع معاكي حلقتي هتسمع، ولو مش عاجبك خالص متتكلميش رزقي هو أنا بسألك بتاخدي كام في البرنامج بتاعك».

وأضافت: «خلينا ناس سوية نفسيًا ومندخلش في أمور الناس عشان ناخد اللقطة وخلاص».