بيجيلي فلوس من الجولات.. اعترافات نورهان حفظي في قضية الفيديوهات الخادشة

كشفت التحقيقات في واقعة اتهام التيك توكر نورهان حفظي بنشر فيديوهات خادشه للحياء، وغسلها 5 ملايين جنيه متحصلة من نشاطها الإجرامي في ترويج مقاطع فيديو تُمثل الاعتداء على قيم ومبادئ المجتمع، تفاصيل جديدة.

اعترافات نورهان حفظي في التحقيقات

وجاء أقوال التيك توكر نورهان حفظي أمام جهات التحقيق بسؤالها ما هي طبيعة عملك تحديدا، أجابت قائلًا: أنا كنت بشتغل موديل وفتحت محل إكسسوارات في حدائق الأهرام وبعد كده قفلته وبعد كده بقت شغلتي على التيك توك بلوجر وإني باطلع لايفات وبعمل جولات.

وأضافت التيك توكر نورهان حفظي بسؤالها كم تتحصلين من ذلك العمل، أجابت: أنا بيجيلي فلوس من التيك توك وبتخش على حسابي على طول اللي في البنك، وحالتي المادية متوسطة، وأنا مصدر دخلي من اللايف والجولات اللي بعملها مع أصدقائي والفائز على التيك توك.

وأشارت: أنا بصرف فلوسي على أولادي ووالدتي وأخواتي وطلعت كام حد عمرة، وعندي الشقة اللي أنا ساكنة فيها وعندي شقه تانية بدفع قسطها في صن كابيتال، وسيارة جيلي صغيرة، وعندي حساب بنكي في البنك وحسابات على مواقع التواصل الاجتماعي تيك توك.

س: وفيما تقومين باستخدام ذلك الحساب؟
ج: باطلع لايف بتكلم فيه على حاجات تخص البشرة والشعر وحاجات تانية وباعمل جولات بيجيلي فيها هدايا وبيكون الهدايا عبارة عن فلوس التيك توك بياخد 70 في المية وأنا بينزلي 30 في المية على حسابي البنكي لأني ربطاه عليه.