بينا عشرة أكثر من 14 سنة.. إنجى علاء تحسم الجدل حول خلافاتها مع طليقها يوسف الشريف
ردت المؤلفة إنجى علاء على الجدل المثار مؤخرًا على مواقع التواصل الاجتماعى حول وجود خلافات بينها وبين طليقها الفنان يوسف الشريف، مؤكدة أن ما تم تداوله عبارة عن شائعات لا أساس لها من الصحة.
وقالت إنجى علاء فى منشور لها عبر حسابها بموقع التواصل الاجتماعى «فيس بوك»: «توضيح.. بالنسبة للكلام المتداول على بعض المواقع احب أوضح ان بينى وبين ابو اولادى احلى ولدين فى الدنيا».
وأضافت: «ما شاء الله عندهم 16 سنة دلوقتى.. وبينا عشرة اكتر من 14 سنة.. وعلاقة احترام متبادل من بعد الطلاق اللى بقاله سنتين ونص.. والظلم اللى اتعرضتله فى الشغل مالوش علاقة بحياتى الشخصية.. الحمد لله على كل شيء.. وكله عند ربنا».
وكانت شاركت السيناريست إنجى علاء، جمهورها ومتابعيها رسالة مؤثرة، أكدت فيها رفضها التام لمسامحة من تسببوا فى سرقة جهدها وتزييف الحقائق أمامها.
وكتبت انجى علاء عبر فيسبوك: «وانا كمان مش مسامحة.. خصوصا اللى سرقوا وقتى وتعبى وشغلى سنين وزيفوا الحقايق.. وخلونى اصدق حكايات واكتب فيها كمان وهى كلها تأليف ووعدوا وعود ماوفوش بيها وسابونى فى نص الطريق».
وأضافت: «وعلى فكرة انا ممكن اسامح الا الأذى اللى ضر ببنتى معايا بصورة مباشرة أو غير مباشرة».
تابعت: «بس الحمد لله انا خسرت وهم.. وهم خسروا الحقيقة، والحمد لله انى كسبت نفسى فى الآخر، صحيح كسبتها بعد حرب مؤذية بس كفاية انى لسة بضحك».
واختمت: «حسبى الله ونعم الوكيل والحمد لله رب العالمين كلى ثقة فى الله وبحمد ربنا كل يوم انه بعدنى عن الشر ده».
