هاجمت والدها.. القصة الكاملة لأزمة ابنة علي الحجار
هاجمت الفنانة سحر حسن منتقدي ابنتها الممثلة الشابة بثينة علي الحجار بعد ظهورها قبل ساعات في فيديو تحدثت فيه عن والدها، مشيرة إلى أنها لم تتناول سوى البقسماط هي وقطتها منذ يومين.
ونشرت سحر صورًا لابنتها من مناسبات مختلفة، وعلقت "المواقع اللي عمالة تقزقز لب في سمعة البنت ووالدها، ده فيديو خاص لشابة بتفضفض مع صحابها في private accountمش للسرقة ولا للنشر".
وتابعت "وده شكل بثينة الحقيقي والطبيعي واللي هايتاجر أو هايعلي التريند هايعرض نفسه للمسائلة القانونية، واتقوا الله يا ملايكة ياللي قايمين من على السجادة، يا مدعي الشرف والاستقامة".
بثينة علي الحجار تتحدث عن والدها المطرب الكبير
الفيديو الذي ظهرت فيه بثينة أعيد نشره، وتم تداوله على مواقع التواصل الاجتماعي المختلفة، وظهرت خلاله تتحدث عن والدها، مشيرة إلى أنها ابنة المطرب علي الحجار ولم تأكل منذ يومين سوى "البقسماط" ولا تعرف كيف تعيش عليه فقط.
أثار الفيديو جدلا واسعا بين مدافعا عن الابنة وحقها في الحصول على دعم والدها، وبين منتقد رأى أنها تجاوزت في حق والدها.
وردت بثينة، ابنة المطرب علي الحجار، على ردود الفعل على تصريحاتها المنتشرة عبر مواقع التواصل الاجتماعى، بعد حديثها عن ظروفها المعيشية الصعبة وابتعاد والدها عنها.
وقالت بثينة علي الحجار، في فيديو عبر موقع «تيك توك»: «مش عارفة أنا إزاى عايشة، إحنا عايشين إزاى يا جماعة، أنا مكلتش غير بقسماط من إمبارح أنا والقطط، كل شوية تحصل الفقرة دي»
وتابعت:«هو ربنا بيبعت للناس أختبار، أنت معاك فلوس ورينى هتعمل بيها إيه؟.. ستات ورينى هتعمل إيه بالستات؟، عيال.. هتعمل إيه بالعيال؟!»
وأضافت «عايزه أقول أنى ماكنتش عايزة الموضوع يكبر بالشكل ده، وأنا كنت على طبيعتى فى الفيديو، ومش عارفة ليه الناس داخلة تقول إنى مدمنة، واللى أنا قلته ده كلام أنا حاساه، وكان نفسى تبقى علاقتى كويسة مع أهلى وبابايا وفى ناس بتقولى شكلى مدمنة، طب ما حد يساعدنى؟».
وأضافت:« أنا فى فترة دلوقتى مش لاقية شغل، ومريت بحاجات صعبة ومحدش عارف صحتى عاملة إزاى ولا هوا عارف، واللى يقدر يساعد ويجيبلى شغل ياريت، وأنا بعرف أمثل وأكتب وأترجم وبعرف أشتغل».
