مات بطل.. تفاصيل مأساوية في مقتل فادي دفاعا عن سيدتين بالعمرانية

شهدت منطقة العمرانية بالجيزة، جريمة مروعة، راح ضحيتها شاب يُدعى فادي ناشد، بعدما تدخل للدفاع عن جارتيه من اعتداء 4 أشخاص اقتحموا منزلهما.

مينا نجل خالة الضحية كشف تفاصيل اللحظات الأخيرة في حياة فادي قائلا: “اللي حصل إن فادي سمع صوت صراخ جيرانه، وبعدها راح يشوف إيه المشكلة، وفوجئ بـ4 رجاله متهجمين على سيدتين، وواحد فيهم كان معاه سلاح أبيض وأصاب اتنين”.

وأضاف: "فادي كان وقتها لسه جاي من الشغل، وكان آخر يوم ليه في الجامعة وخلاص استلم الشهادة وكان رايح يقدم على الجيش، وخلص شغل ورجع البيت، وكان واقف هو وعمه فسمعوا صوت الصراخ".

وأكمل: “فجأة سمعوا صوت ضرب نار، وعمه لما سمع الصوت دخل البنات جوه وقفل الباب، وفادي كان واقف على السلم، والمتهم كان ضرب طلقة أصابت رأس فادي وتوفي في الحال”.

وسادت حالة من الحزن بين أهالي العمرانية بعد الحادث، مؤكدين أن فادي ناشد "مات بطل" وهو يدافع عن جيرانه، مطالبين بسرعة القبض على الجناة والقصاص العادل.