بينافسني في أنوثتي.. زوجة تطلب الخلع في محكمة الأسرة والسبب صادم

أمام محكمة الأسرة بمصر الجديدة، وقفت سيدة، 28 سنة، موظفة بشركة خاصة، تطلب الخلع من زوجها بعد عام واحد فقط من الزواج، مبررة دعواها بأن زوجها يتصرف، بطريقة أنثوية مبالغ فيها، أفقدتها الإحساس برجولته، وجعلتها تنفر منه يومًا بعد يوم.

وقالت الزوجة في دعواها: «أنا اتجوزته عن حب، وكنا مخطوبين سنة، بس بعد الجواز بدأت ألاحظ حاجات غريبة، طريقته في الكلام، حركات إيده، واهتمامه المبالغ فيه بشكله ولبسه، وحتى مكياجه الخفيف أوقات لما نخرج، كنت بفكر في الأول إنه بيحب يهتم بنفسه، لكن الموضوع زاد عن حده».

وأضافت: «بقى بياخد وقت في الاستعداد للخروج أكتر مني، ويقلد البنات في طريقة الكلام، بيعمل فيديوهات لنفسه على تيك توك، وهو بيرقص أو بيجرب فلتر ميك آب، حسيت إني عايشة مع واحدة صاحبتي مش راجل، وبقيت مش مرتاحة نفسيًا ولا حاسة بأي أمان أو سند».
وتروي الزوجة، أن محاولاتها لتغييره أو حتى الحديث معه قوبلت بالاستهزاء: «كل ما أكلمه يقولي: (أنا على طبيعتي، ومين قال الرجولة في الشكل؟)».

واختتمت: «أنا مش ضد أي حد، بس أنا ست عايزة راجل أحس معاه بالأمان، مش واحد بينافسني في أنوثتي».