كانت مراتي وهددتني بالفيديوهات.. اعترافات مثيرة للبلوجر محمد أوتاكا طليق هدير عبد الرازق في تهمة نشر فيديوهات خادشة
كشفت التحقيقات الأولية في قضية اتهام البلوجر محمد أوتاكا طليق هدير عبد الرازق بتهمة نشر فيديوهات خادشة، عن أن المتهم كان يصور ويبث هذه المقاطع من داخل شقته بهدف تحقيق مشاهدات عالية لزيادة نسبة الأرباح من منصات التواصل الاجتماعي.
وننشر نص التحقيقات في القضية التي حملت رقم 1927 لسنة 2025، حيث إنه بناء على قرار جهات التحقيق بضبط وإحضار المتهم تمكنت قوة أمنية من القبض عليه في محيط أحد الكموبندات السكنية بمدينة الشروق، وبتفتيشه عثر بداخل ملابسه على زجاجة صغيرة -امبول- بداخلها ماده بيضاء اللون تشبه في كونها مادة الكوكاتين المخدر، وتبين عدم حمله رخصة تسيير السيارة قيادته، وقرر أن السيارة ملكه، وبتفتيش سيارته عثر أسفل مقتد السائق على مخدر الحشيش.
أقوال البلوجر محمد أوتاكا طليق هدير عبد الرازق
وأضافت التحقيقات أنه بتفتيش هاتف المتهم تبين أن البلوجر محمد أوتاكا نشر العديد من مقاطع الفيديو عبر حسابه الشخصي على تطبيق التيك توك، بظهوره فيها وهو يتلفظ بعبارات وألفاظ تخدش الحياء والآداب العامة وتمثل تعديا على المبادئ والقيم الأسرية بالمجتمع المصري.
وأوضحت التحقيقات أنه عثر في هاتفه على تطبيق للعملات الرقمية المشفرة.
وجاءت التحقيقات كالتالي:
س: ملك من العين الكائنة في الكمبوند اللي في الشروق؟
ج: دي بتاعتي وجايبها بالقسط.
س: ومن الأشخاص الذين يقيمون بتلك العين تحديدا؟
ج: أنا لوحدي.
س: هل يتردد أحد على هذه العين؟
ج: لاء مفيش.
س: ما قولك فيما سطره محضر التحريات بأنك منشئ ومستخدم الحساب الشخصي المسمى محمد أوتاكا وأنك تستخدمه للتعدي على قيم ومبادئ المجتمع المصري؟
ج: أنا فعلًا مستخدم الحساب دا بس أنا متعدتش على قيم المجتمع المصري أنا بنزل محتوى جيم ونصايح واسكتشات كوميدية.
س: ما هي صلتك وعلاقتك بالمضبوطات السابق فضها وعرضها في مواجهتك بصدر التحقيقات تحديدا؟
ح: مش عارف.
س: إلى أي مدي تتعاطى مواد مخدرة؟
ج: أنا عمري ما شربت مخدرات ولا حتى سجائر وعندي فيديو منشور جايب 11 مليون مشاهدة بتكلم فيه عن أضرار المخدرات، الحاجة الوحيدة اللي بأخذها هي ستيرويدز الجيم.
س: وما هي تفصيلات نشأتك تحديدا؟
ج: والدي ووالدتي منفصلين ووالدي حاليا متوفي وعندي أخ وأخت كبار، ودخلت مدرسة مصطفى كامل لفترة ابتدائي وكنت شاطر في التعليم وبعدها دخلت المرج الإعدادي بنين وفي الثانوية كنت في مدرسة الأورمان الخاصة سياحة في المرج الجديدة، وبعدها دخلت المعهد العالي للدراسات النوعية في الجيزة ولسه حتى الآن طالب فيه، واشتغلت في الأول في تسويق معارض وموبيليه وفي مكتبة واشتغلت في فنادق، واشتغلت جنب التعليم، وبعدين حبيت أعمل فيديوهات في 2021 على اليوتيوب وكان محتوايا كويس وابتدى يخشلي فلوس فبطلت أشتغل أي حاجة ثانية وركزت في السوشال ميديا وبعد كدة اتجوزت واحدة أردنية في 2022 والظروف مكنتش حلوة في الماديات ساعتها وسبنا بعض ومن ساعتها وأنا بطلت أعمل فيديوهات بشكل مختصر واشتغلت في تسويق العقارات.
وأوضح المتهم في اعترافاته: أن التهرب الضريبي كلمه ولما كلموني قولتلهم إنى بطلت أعمل فيديوهات وإني بعمل فيديوهات على التيكتوك بس مش بشكل مستمر وكان ساعتها عندي 700 ألف متابع وكان التيك توك مكنش لسه بقى مربح، وقالولي في التهرب إني محتاج أعمل سجل تجاري وبطاقة ضريبية وفعلا عملت الكلام ده وبطلت أعمل فيديوهات خالص لحد ما حصل قصة هدير عبد الرازق والفيديو بتاعها اتسرب، وأنا طلعت في فيديو بدافع عنها والفيديو ده جاب 10 ملايين مشاهدة بس مجبليش فلوس عشان التيك توك مش بيدي فلوس على الفيديوهات وبعدين ابتديت افتح لايفات ودي اللي بتجيب فلوس.
وواصل المتهم محمد أوتاكا: وبعد الفيديو اللي عملته لهدير بعتتلي وشكرتني على الفيديو وابتدينا نتكلم وقربنا من بعض واتجوزنا شهرين ومكناش معرفين المتابعين بتوعنا وحصل بينا خلافات كتير وكبيرة بعد الجواز فسيبنا بعض وكان فيه فيديوهات بيني وبينها على تليفوني وتليفونها، ومن فترة ما واحنا متجوزين هي كانت بتهددني وقت الخلافات إنها هتبعت الفيديوهات لأهلي وجه شهر 12 اللي فات عملت محضر في التجمع في هدير وأهلها، اتهمتهم إنهم خطفوني وهددوني وهي اتهمتني إني سرقتها وبعدين اتصالحنا في المحضر واطلقنا ساعتها ومسحنا الفيديوهات من موبايلات بعض ومتكلمناش من ساعتها غير من كام يوم بعد ما طلعت من الحبس واطمنت عليها واتقابلنا في مراسي وساعتها مسكت تليفونها علشان أتأكد إن مفشهاش الفيديوهات وملقتش حاجة فعلا ورجعت من الساحل.
إحالة البلوجر أوتاكا طليق هدير عبد الرازق للمحاكمة الجنائية
وقررت جهات التحقيق المختصة إحالة البلوجر أوتاكا طليق هدير عبد الرازق للمحاكمة الجنائية المختصة، وذلك لاتهامه بنشر فيديوهات خادشة للحياء العام وإساءة استخدام مواقع التواصل الاجتماعي، وتحديد جلسة 15 أكتوبر.