رفضت تتجوز أخوها.. تفاصيل مثيرة جديدة عن فيديو ضرب وسحل بين سيدتين ببولاق الدكرور | شاهد

"أنا اللي رفضت أخوها عشان بدرس واستفزتني في الشارع"، بهذه الكلمات دافعت شذى، الفتاة التي ظهرت في فيديو مشاجرة بولاق الدكرور وهي تعتدي على أخرى بسبب خلافات بينهما، عن نفسها وفجرت مفاجأة بشأن الواقعة.

أول تعليق من شذي صاحبة مشاجرة بولاق الدكرور

وقالت شذى جاه الرسول، صاحبة الـ19 عاما: "البنت الي نشرت فيديو وأنا بضربها كل الكلام الي قالته عني كذب، واللي حصل إني أنا اللي رفضت أخوها مش هو اللي رفضني عشان أنا لسه بدرس في الجامعة، ومش فاضية للحاجات دي، وبعدها أخوها الكبير اتقدم لأختي الصغيرة فرفضته بردو"

وأضافت: "بعد كده بدأت هي وإخواتها يهددونا، وفي يوم كنت رايحة الجامعة استنوني عند المترو واعتدوا عليا، وقطعولي شعري وفضلوا يشهروا فيا ويقولوا عليا كلام مش كويس".

عملتهلم محضر تعرض

وتابعت: "بعد الواقعة عملتلهم محضر عدم تعرض، وبعد كده كنت ماشية في الشارع صدفة وأخت الولد اللي رفضته قابلتني صدفة واستفزتني وقالتلي (إيه رأيك في العلقة إنتي لسه محرمتيش)، فكان رد فعل طبيعي أن اتعصب عليها وأخد حقي".

وأتمت حديثها قائلة: “الفيديو اللي اتنشر وأنا بضربها، ده كان رد فعل لكمية الاتهامات والأذى اللي اتعرضتله منها من خوض في الشرف والسمعة، أنا عايزة حقي يرجع بالقانون”.

فيديو مشاجرة لفتيات في بولاق الدكرور

وانتشر مقطع فيديو عبر مواقع التواصل الاجتماعي، تظهر فيه سيدة وهي تعتدي على أخرى في منطقة بولاق الدكرور بالجيزة.

وأثار الفيديو، حالة استياء كبيرة بين المواطنين، مُطالبين بسرعة القبض على المتهمة والتحقيق معها في الواقعة.

ومن جانبها، تعمل الأجهزة الأمنية بوزارة الداخلية، على فحص الفيديو المنشور، لكشف ملابسات الواقعة، تمهيدًا لاتخاذ الإجراءات القانونية اللازمة.