المتهم بقتل جاره في العياط لابتزازه بمقطع مخل: جارتي مَن كانت معي في الفيديو واعتدنا ارتكاب أفعال غير أخلاقية
تفاصيل مثيرة وردت في تحقيقات قضية إقدام عامل على قتل جاره وإحراق جثته بسبب محاولة الأخير ابتزاز المجني عليه بفيديو مخل، يجمعه بإحدى السيدات، بمنطقة العياط بمحافظة الجيزة.
اعترافات المتهم بقتل جاره في العياط
واستمع رجال التحقيق لأقوال المتهم بقتل شاب العياط وبسؤاله عن علاقته بالسيدة التي كانت رفقته لحظة تصوير المجني عليه لهما في وضع غير لائق، وجاءت كالآتي:
س: ما هي طبيعة علاقتك بالمجني عليه كريم؟
ج: هو جاري وقريبي من نفس العيلة وأنا وهو مكنش في بينا أي تعامل هو مفيش غير إن أنا لما بشوفه بسلم عليه بس أنا مكنتش بقعد معاه وعلاقتنا مش قوية وأنا كبير في السن وهو صغير فمكناش بنقعد مع بعض ولا بنتكلم مع بعض.
س: ما صلة القرابة فيما بينك وبين المجني عليه تحديدًا؟
ج: هو جدنا واحد وهو قريبي من نفس العيلة وأنا عيلتى اسمها عبد الصمد وعيله كريم اسمها عبد القوي واحنا الاتنين من جد واحد وعلاقتنا كانت كويسة لحد الخلاف اللي حصل بينا.
س: منذ متى بدأ ذلك الخلاف؟
ج: قبل ما أموت المجني عليه بيومين.
س: ما هي طبيعة ذلك الخلاف تحديدًا؟
ج: هو دخل عليه أنا وهـي في الفرن وشافني أنا وهي مع بعض.
س: من هي تلك المدعوة هـ ؟
ج: هي جارتي وقريبتي من العيلة.
س: ما سبب تواجد المدعوة هـ برفقتك آنذاك؟
ج: هي كانت جيالى الفرن علشان نعمل علاقة غير أخلاقية.
س: ما هي طبيعة علاقتك بالمدعوة هـ؟
ج: في بينا علاقه عاطفية وصلت إن أنا بيا علاقة غير شرعية.
س: ما هي بداية تلك العلاقة مع سالفة الذكر تحديدًا؟
ج: أنا أعرفها من زمان علشان هي قريبتي ومن العيلة ودائمًا بتجيلنا البيت وبتقعد معايا أنا ومراتي وهي متجوزة بردو وأنا بروح أزورها أنا ومراتي والعلاقة بيني وبينها بدأت بضحك وهزار بيني وبينها وهي كانت بتستلطفني وكانت بتعدي عليا في الفرن نقعد نتكلم شوية ونضحك ونهزر سوا وبعدين في مرة قولتلها عايز أعمل علاقة معاكي وبدأت العلاقة بينا.
س: منذ متى وتلك العلاقة الآثمة بينكما؟
ج: من حوالي سنة.
س: ما هي كيفية تواصلكما مع بعضكم البعض؟
ج: كانت بتعدى عليا في الفرن أو بكلمها في التليفون أقولها عايزك تعالي على الفرن كدا يعني.
س: أين مكان تقابلك مع سالفة الذكر؟
ج: في الفرن اللي أنا شغال فيه.
س: ما عدد المرات التي قمت بمعاشرة المدعوة هـ معاشرة الأزواج؟
ج: كتير مش فاكر عددهم بس كانت مرة كل شهر من يوم لما بدأت العلاقة بيني وبينها.
س: هل كنت على علم بأن سالفة الذكر متزوجة؟
ج: أيوه أنا كنت عارف علشان هي قريبتي.
س: ما علاقة المجني عليه كريم بالمدعوة هـ وهل من ثمة خلافات فيما بينهما؟
ج: هو ملهوش علاقة بيها خالص.
وقضت الدائرة الخامسة بمحكمة جنايات القاهرة بـ 15 مايو، برئاسة المستشار أسامة عبد الظاهر أحمد رئيس المحكمة، وعضوية المستشارين جودت ميخائيل قديس وجمال أحمد حتة، ومحمد مصطفى جاد الكريم، بالإعدام شنقا على المتهم بعد أخذ رأي مفتي الجمهورية في إعدامه.