مفيهاش حتة سليمة.. فتاة قاصر تدهس سيدة بسيارة جولف كار في الساحل

نشرت فتاة تدعى “نور رشيدي” منشورا عبر صفحتها على “فيسبوك” يفيد بتعرض والدتها لحادث دهس من سيارة جولف كار تقودها فتاة في الساحل.

وقالت الفتاة في المنشور: “واحدة وبنتها ماشيين عادي خالص على رجليهم راجعين من البحر في الساحل، تيجي طفلة عندها 16 سنة سايقة جولف كار بسرعة تشيل الست تطيرها، والست دي دلوقتي مرمية في المستشفى مفيهاش حتة سليمة حرفيًا، ومصابة بكسور وشروخ في كل حتة".

وأضافت الفتاة: “الست دي خضعت لسلسلة من العمليات، وهتفضل في رحلة علاج هتستمر من 6 أشهر إلى سنة كتقدير مبدئي، أسرة كاملة اتشقلب كيانها وبتشوف أيام من الألم والرعب ميتوصفش، والست دي للأسف تبقي أمي”.

وتابعت الفتاة: “دلوقتي الإجراء السليم إيه بقي، هل نقول معلش عيلة وغلطت ولا ناخد إجراء ونضيع مستقبلها عشان هي وأهلها اللي سايبنلها عربية جولف في الساحل ومش واخدين بالهم أن بنتهم ممكن تدمر حياة عيلة يعرفوا إن الله حق، لحد امتى هنفضل سايبين عيالنا كده”.

ومن جانبها، تعمل الأجهزة الأمنية بوزارة الداخلية، على فحص الواقعة وإجراء تحريات حولها لكشف ملابساتها وضبط القائمة على ارتكابها لاتخاذ الإجراءات القانونية.