أنا لبنانية ومليش حد في مصر.. اعترافات مثيرة لكلارا زوجة صبري نخنوخ في قضية الآثار

تفاصيل مثيرة وردت في اعترافات كلارا زوجة صبري نخنوخ في القضية رقم 6895 لسنة 2026 جنايات التجمع الخامس والمقيدة برقم 1189 لسنة 2026 كلي القاهرة الجديدة، والمتهم فيها صبري نخنوخ بتهمة حيازة قطع أثرية.

اعترافات زوجة صبري نخنوخ في تهمة حيازة قطع أثرية

وجاءت أقوال كلارا زوجة صبري نخنوخ أمام جهات التحقيق كالتالي:

س: ما سبب حضورك إلى سراي النيابة؟
ج: أنا جاية بناءً على طلب من النيابة العامة.

س: ما معلوماتك بشأن الواقعة محل التحقيق؟
ج: اللي حصل إنه يوم الثلاثاء الموافق 2026/6/2، كنت خرجت من البيت عشان أجيب حاجات للبيت، وبعدين جالي تليفون من حنان، أخت جوزي، بتقول لي إن فيه مشكلة حصلت مع جوزي، وتعالي البيت عندي وأنا بحكم إني لبنانية ومليش أهل في مصر، روحت بيت حنان أخت صبري.

وأضافت في أقوالها: لاحظت إن كان فيه ناس حوالين البيت بتاعي اللي في التجمع من خلال الكاميرات المتصلة بالتليفون بتاعي، ففضلت عند حنان لحد ما قالتلي روحي البيت بتاعك علشان تستلمي حاجتك، وروحت البيت مع المحامية بتاعتي، وأول ما روحت البيت لقيت فيه ناس كتير.

وواصلت: قابلت مفتش المباحث وقال لي تعالي استلمي حاجتك ولقيته بيديني الذهب بتاعي، واداني مليون جنيه مصري، وبعد كده فضلت في البيت، وأخدت الفلوس والمشغولات الذهبية بتاعتي، وأخدت هدومي.

س: متى علمتِ بأن زوجك أُلقي القبض عليه؟
ج: يوم الثلاثاء الموافق 2026/6/2.

س: أين كنتِ آنذاك؟
ج: كنت بشتري حاجات للبيت بتاعي في مدينة نصر.

س: هل كنتِ بمفردك آنذاك؟
ج: كان معايا السواق.

س: كيف علمتِ أن زوجك أُلقي القبض عليه؟
ج: عن طريق أخت جوزي، كلمتني وقالت لي إن جوزي اتقبض عليه.

س: كيف كانت ردة فعلك آنذاك؟
ج: أنا رحت على البيت عند أخت جوزي.

س: ما السبب الذي دعاكِ إلى التوجه إلى منزل شقيقة زوجك؟
ج: أنا لبنانية ومليش حد في مصر وكان جوزي قالي إن لو فيه حاجة حصلت أروح عندها.

س: متى توجهتِ إلى منزلك لاستلام أغراضك؟
ج: تاني يوم.

س: هل توجهتِ بمفردك إلى منزلك لاستلام أغراضك؟
ج: لا، كان معايا المحامية بتاعتي.

س: ما الذي حدث حينما توجهتِ إلى منزلك آنذاك؟
ج: أنا لقيت البيت فيه أمن كتير وقابلت مفتش المباحث.