طبيب «أنف وأذن» يحسم الجدل..ايه العرض اللي مفيهوش كلام إنه كورونا؟ | فيديو

«طريقة تعامل الناس مع أميكرون إنه أدفى وأشرب حاجة سخنة، هل ينفع؟» سؤال طرحه الإعلامي عمرو أديب على ضيفه الدكتور أسامة عبد الحميد، أستاذ الأنف والأذن والحنجرة، وهو ما أجاب عليه قائلًا:«لأ طبعًا، المشكلة في كورونا أن أنت ممكن ميبقاش عندك أعراض خالص، وتكون إيجابي كورونا وفي هذه الحالة أنت بتنقل المرض لناس آخرين».

وأكمل:«نعم مفيش اختبار في الطب كله يطلع نتيجة التحليل إيجابي 100 % ولا يلغيه 100%، دايما الاختبار بيكون 70-80، أحنا نعلم أن الـPcr نتيجته حوالي 75 % إيجابي، يعني يطلع 25 لـ 35 % أنه معندوش إنما يكون عنده».

وتابع:«فميزته أنه بيطلع الـ75 %، أنا اعلم في بلاد عديدة لدي أصدقاء في إنجلترا، جميع العاملين في القطاع الطبي بإنجلترا، جميعهم دكتور، ممرض، إسعاف، سكرتيرة، بيعملوا ما يسمي بالـRapid Test  في البيت كل 3 أيام يطلع إيجابي يقعد في البيت وينعزل».

واشار عبد الحميد خلال حلوله ضيفًا على برنامج «الحكاية» أن وباء كورونا، والمتحور الجديد منه «أوميكرون» ليس لديهم أعراض محددة، وهو ما شرحه قائلًا:«مشكلة أوميكرون أو كورونا عمومًا أنه ممكن ميكنش عندك أعراض وتبقي معدي، في هذه الحالة لو شخصنا بدري، المريض يقعد في البيت».

وأردف:«أنت متخيل مثلُا لو مستشفي فيها 100دكتور، و30 % منهم طلعوا إيجابي ومعندهمش أعراض وقعدوا في البيت يبقي الحمل على الجهاز الطبي صعب جدًا، بقي 70 % بس هم اللي بيديروا المستشفي، عشان كده لازم ناخد بالنا، اللي عنده أي اعراض أنت ممكن تكون كورونا، ولازم تعمل التحليل».

تصريح جعل أديب يسأل ضيفه «أي العرض اللي مفيهوش كلام؟» ليجيب بشكل واضح «أي عرض في الجهاز التنفسي روح هات البروتوكول»، وأضاف:«في الفترة الحديثة قالوا يقعد 3 – 4 أيام ده يسمي أنه عنده شك يكون كورونا، أنا مستحمل وأعراضي خفيفة مش عايز أعدى والدي اللي عنده سكر في الدم أو واحد عنده أعراض مناعية».

وتابع:«الشك يوصل أنه كورونا يروح يعمل الـPcr، طلع إيجابي تمام، طلع سلبي أنا بقول اتعزل المدة اللي اختلف العالم عليها، في الأول كان بيتكلموا 10 أيام دلوقت بقت 7 وإنجلترا قريبًا في مارس هتخليه 5».

«يعني أنا لما يجيلي أعراض أقعد في البيت 7 أيام؟» حاول أديب بهذه الكلمات أن يلخص كل ما قاله الدكتور أسامة بهذه الذي أكد عليه مضيفًا:«كورونا عامل زي عائلة البرد العادي، بيجيلنا عبارة عن رشح، وجع في الحلق، شوية تكسر في الجسم، حرارة».