«امتحان زي الـ***».. ألفاظ خارجة من طالبات مدرسة بـ الشرقية تثير جدلا واسعا | فيديو
ضجّت مواقع التواصل الاجتماعي بمقطع فيديو نشره حساب يحمل اسم «المذيعة خلود سعودي»، يظهر فيه آراء طلاب الشهادة الإعدادية حول امتحاني مادتي الجبر والدراسات أمام مدرسة بمحافظة الشرقية.
واستعرض الفيديو، الذي حقق أكثر من 6 مليون مشاهدة، آراء العديد من الطالبات والطلاب حول أداء امتحانات الجبر والهندسة، لكن سبب انتشار المقطع يعود إلى الألفاظ «غير اللائقة» التي استخدمها بعض الطالبات في وصف الامتحان واللجان.
قالت إحدى الطالبات في بداية الفيديو: «امتحان زي الزفت، جبر زي الـخـ***، اللجان شادة زي الطين، مفيش رحمة في قلوبهم. بقول للأستاذ ده آخر سؤال قالي لأ أنتِ بتهدديني؟ قولتله لأ بس لية بتعمل معانا كده؟ إحنا عندنا 15 سنة دماغنا هتشيل أي ولا أي».
وتباينت تعليقات الطالبات بين: «المسائل لفة مش عارفين جاية منين واللجان شادة وقاعدين بنعيط والمدرسين موترنا ومش عارفين نعمل أي» و«الأسئلة المقالي كتير واختر حبة صغيرة الامتحان كان وحش وتقيل والأبلة قاعدة جنبنا واللجنة شدة مش عارفين نحل حاجة».
وقالت طالبة أخرى: «المدرس خد مني الورقة عشان ببص من البلكونة» و«كل شوية يعملولنا رعب ومش عارفين نحل» و«مفيش حمامات والشنط كلها برا، تجيبي القلم يقولوا هنعملك محضر ومش فارق معاهم العياط قلبهم جامد، ولا كأنها ثانوية عامة مكنتش تالتة إعدادي يعني».
أما تعليقات الطلاب، فكانت أقل حدة، إذ قال بعضهم: «الامتحان كان مناسبًا لمستوى الطالب المتوسط»، و«اللجان كانت جيدة».
وانتقد مستخدمو مواقع التواصل الاجتماعي أسلوب التعبير الذي اعتمدته الطالبات في إظهار غضبهن من اللجان والامتحان، وكتب البعض: «هذا الكلام لا ينبغي أن يُذاع»، و«يجب على أولياء الأمور الاقتراب من أبنائهم وتعليمهم الفرق بين الصواب والخطأ، لأن هذه الألفاظ تدل على غياب الرقابة، ويبدو أن بعض الطلاب معتادون على الغش».
