خريجة معهد بعد القبض على مدرس متهم بالتحرش: مبسوطة إن ربنا أخد حق كل بنت منه

كشفت خريجة أحد المعاهد، عبر منشور لها على صفحتها بموقع التواصل الاجتماعي فيس بوك، عن سعادتها بعد القبض على مدرس متهم بالتحرش بطالبة، مؤكدة أن المتهم ظل لسنوات طويلة يمارس أفعالًا مشينة دون محاسبة.

وقالت الخريجة في منشورها: تخيل يبقى بقالك فوق الـ15 سنة بتعمل قرف وربنا ساترها عليك، وبدل ما تتعدل وتتوب لربنا، تفضل مكمل في اللي بتعمله لحد ما ربنا يفضحك صوت وصورة قدام زمايلك وعيالك وأهلك، إنسان حرفيًا ما سبش حد في جيلي والجيل اللي بعدي إلا لما ضايقه وكمل كأن ده عادي وطبيعي.

وأضافت: أنا مبسوطة إن ربنا خد حق كل بنت منه، وربنا يصبر عياله، علشان هما مالهمش ذنب إن أبوهم راجل متحرش.