قالها صحابك سيبنلك هدايا.. تفاصيل جديدة في اتهام فرد أمن بالتحرش بقاصر بالشيخ زايد
ألقت الأجهزة الأمنية بمديرية أمن الجيزة القبض على فرد أمن بـ كمبوند شهير في الشيخ زايد بتهمة التحرش بابنة إعلامية داخل الكمبوند.
وكشفت الإعلامية مقدمة بلاغ التحرش بصغيرتها ضد فرد أمن اخل كومبوند بالشيخ زايد، أمام جهات التحقيق، تفاصيل مثيرة.
وقالت الإعلامية: الي حصل أن بنتي عندها 14 سنة، وبتدرس في الخارج مع والدها ونزلت إجازة من هناك آخر شهر، وإحنا من وقت ما نزلت وإحنا في الساحل ورجعنا على الشيخ زايد في بيتنا اللي في كوبوند فى زايد.
وأضافت الإعلامية أمام جهات التحقيق: من حوالي أسبوع اتعرفت على أصحابها في الكمبوند ونزلوا مع بعض في الكمبوند في مكان عبارة عن حديقة كبيرة هناك وفيها كافيهات وهما متعودين ينزلوا يتمشوا ويقعدوا مع بعض.
وأردفت: بنتي لمار رجعت حكتلي إن هي بعد ما سابت صحابها وهي مروحة كلمت صحابها في التليفون شوية وهي قاعده في الحديقة، وبعدين بدأت تتحرك وراجعه على البيت وكانت لوحدها وقابلت فرد الأمن وأنا سألتها تعرفه قبل كده قالت إنه هو زي باقي الأمن بنسلم على بعض بس وبعد كده شاورلها أنها تجيلوا.
وأكملت: وبعد ما راحتله قالها في مفاجئة ليكي صاحبك عاملهالك محطوطة في الدور الأول في العمارة اللي هو فيها حارس وقالها أطلعي شوفي الهدية بتاعتك فيه، وساعتها هي راحت طلعت الدور الأول في الاسانسير وبعد ما طلعت ملقتش حاجة ولا حد واقف ولا هدية وبعديها لقت الأسانسير الثاني وصل وفرد الأمن طالع منه وبعدين قالتله مفيش هديه ولا حاجه أنا هنزل أروح، قالها استني أنا نسيت هي الهدية بتاعتك عند السلم، وعند الباب الفاصل بين الدور والسلم هي راحت على باب، قام تعدى عليها وحاول لمس أماكن بجسدها.
وفي وقت سابق، تقدمت إعلامية ببلاغ إلى الأجهزة الأمنية تتهم فيه أحد أفراد الأمن العاملين داخل كمبوند بمدينة الشيخ زايد، بالتحرش بابنتها.
وتجري الأجهزة المختصة فحصًا للبلاغ للوقوف على ملابسات الواقعة، والاستماع إلى أقوال أطرافها، إلى جانب تفريغ كاميرات المراقبة داخل الكمبوند، تمهيدًا لاتخاذ الإجراءات القانونية اللازمة.
وتواصل الجهات المختصة تحقيقاتها لكشف حقيقة الواقعة وتحرر المحضر اللازم بالواقعة وتم اتخاذ الإجراءات القانونية حيال الواقعة.
