المقطع بـ3 ملايين جنيه.. تفاصيل مثيرة جديدة في اتهام طليق مطربة شهيرة بنشر فيديوهات مخلة لها
كشفت التحقيقات تفاصيل جديدة في واقعة اتهام طليق مطربة شهيرة بنشر فيديوهات مخلة لها وتسريبها عبر مواقع التواصل الاجتماعي، أن المطربة تلقت رسالة خاصة من رقم بدولة خليجية مصحوبة بمقطع فيديو مخل وأسفله رسالة مكتوب عليها "لحد الآن معروض ليا في الفيديو 3 ملايين جنيه".
وجاءت أقوال المطربة أمام جهات التحقيق بسؤالها ما هو مضمون البلاغ المقدم منك، أجابت: اللي حصل إني بشتغل مطربة وكنت يعني في أماكن مغمورة من حوالي 3 سنين ونصف وأنا بغني في مكان في المهندسين وبعد الحفلة لقيت واحدة جاتلي وقالتلي عايزة رقمك علشان شغل وبعد كدة اللي بقى طليقي كلمني وقالي عايزك في شغل واتقابلنا وعرفني عليه وبعدها اتخطبنا حوالي 5 شهور وبعد كدة اتجوزنا في عدم حضور أهله لأنه كان بيقول في بينهم خلافات واستمرت العلاقة الزوجية بينا حوالي 4 شهور واتجوزنا في 2024/12/6 واستمرت العلاقة الزوجية ما بينا لمدة 4 أشهر لحد ما اتطلقنا في 2024/4/11.
س: من أين استقيتي شهرتك؟
ج: في الأول كنت بغني في الكافيهات ونزلت فيديو على السوشيال ميديا والفيديو عمل انتشار واسع علي مواقع التواصل الاجتماعي وبدأت الناس تطلبني في الحفلات والافراح ومن هنا ابتديت اشتهر.
س: حددي لنا طبيعة عملك؟
ج: أنا مطربة.
س: متي بدأت نشاطك في الأعمال الفنية؟
ج منذ عام 2021.
س: ما مؤهلاتك العلمية؟
ج: حاصلة على بكالوريوس موسيقى عربية من أكاديمية الفنون التابعة لوزارة الثقافة.
س: متى تخرجت من الجامعة؟
ج عام 2017.
س: هل التحقت بعمل عقب أن أنهيت دراستك مغايرًا للنشاط الفني؟
ج: اتجوزت وقعدت في البيت بس لما حصل مشاكل واتطلقت من جوزي الأولاني نزلت أشتغل علي عربيات قهوة في الشيخ زايد لمدة سنة ونص وبعد كدة بدأت أغني في الكافيهات.
س: ما طبيعة وظروف حياتك المعيشية قبل الالتحاق بالعمل في مجال الفن؟
ج: كانت ظروفي صعبة لأني أنا اتجوزت وأنا عندي 20 سنة وقعدت في البيت لحد ما اتطلقت وبدأت اشتغل علي عربيات قهوة زي ما قلت لحد ما ربنا كرمني في موضوع الغناء.
س وماهي حالتك الاجتماعية؟
ج: مطلقة.
وفي وقت سابق، أحالت جهات التحقيقات المختصة بالقاهرة، طليق مطربة شهيرة للمحاكمة الجنائية، في اتهامه بنشر فيديوهات مخلة لها وتسريبها عبر مواقع التواصل.